對感情冇渴望冇寄望　蔡一傑以歐鎧淳為擇偶條件

蔡一傑（傑仔）為阮小儀主持的香港開電視節目《小儀與13型男》擔任最後一集嘉賓，有幸與偶像的小儀表現亢奮，她說：「幻想會成為另一半嘅人，真係只有草蜢裡嘅蔡一傑，因為感覺好近，年紀上唔會差好遠，同佢好親近。」並謂心目中的傑仔是一個凡事追求完美，要求很高的人，若然另一半是「完美型」，小儀坦言必定好大壓力，但也盡量配合所愛的人，做到雙方都開心。

被問到渴望哪種感情生活？傑仔說：「冇渴望、冇寄望，總之盡量享受生命，感情生活有與冇係唔重要，最好有，不過冇亦無妨。（咩人會吸引到你？）健康型，鍾意女仔膊頭好橫，好似歐鎧淳，膊頭又橫、又夠高、樣子又甜美、腳又長。」

節目中，小儀又親手製作戒指送給傑仔，令對方開心到忍唔住錫了她臉珠一啖，搞到小儀暈晒大浪。小儀透露，過往亦試過一次獲男友送贈戒指，她說：「有次行過街，見到隻戒指幾特別，對方買咗送畀我，得一個男友送過戒指畀我，對我嚟講，收戒指係一個認定嘅動作。」

《小儀與13型男》即將圓滿結束，經歷過跟13位不同類型男士約會，小儀有不同體會，她表示：「由始至終，到而家都追求愛情，而家追求係平實啲嘅愛情。我而家仲未結婚，世俗眼光會話我嫁唔去、冇人要，但我唔係咁睇，反而會愈來愈欣賞自己呢個年紀，喺40幾歲開始，就已經有呢種感覺。每一年都會欣賞自己嗰個歲數，因為代表有所成長，我嗰一年所吸收到嘅嘢，都可以畀到對方。」小儀相信自己將來的男友，會幸福過她以前的男友。