【維港會】港女網上問價幾次無訂被封號 時裝店東批玻璃心勿擾

一名女網民在網上討論區「親子王國」發文，指在社交網站向時裝店查詢過衣服的價錢數次後，都覺得不合眼緣，結果被店家封鎖賬號，令女網民心有不忿。而店家則發文指「玻璃心請勿打擾」。

網民指，問了幾件衣服的價錢，「價錢唔吸引所以諗下先，店主話未落過單下次唔會再報價。網民於是說「唔會幫襯佢因為佢咁樣態度」，結果被店家封號。網民認為，「買嘢梗係要比較下其他，這間店真心不推介」。

發文者解釋，「其實二百零蚊一件衫唔係問題。我問吓有冇第二啲顏色,佢有啲圖又冇close up, 買件貨品前都想了解清楚啦...買左兩件衫，之後有件睇唔清楚，cap 圖問係咪呢個款。同有冇其他色，這些都是正常客人問的問題吧。睇返history , 一年前同前幾個月都問過一件衫。可能佢覺得我問咗幾次都唔買，咪話唔再報價俾我囉」她批評，「仲要話唔買嘢，就唔復報價,咁嘅店主我都係第一次見,咁樣做生意擺明趕客」

至於店家則在網上發文，指「玻璃心的請勿打擾」，店家認為「其實啲款你心動先會查詢，唔落單可能因尺碼或價錢等因素，係理解」，店家指「但當累積有一定數量，就反映大家嘅要求或預期有落差，不如暫停」。

店家又批評，「如果你無落過單，仲cap行家啲相嚟叫人搵，點解要咁做呢」，「如你所講做生意唔係咁做，但大家都有權選擇」。

有網民則認為，「點解唔係網店直接講埋價錢要人問先報價咁老土，想攞多啲contact？唔好晒時間，淘寶算」、「而家咩人都做得網店，無話店主要點，唔show價錢既店我唔會去買亦都唔會問，晒時間」有人指「佢特登出Facebook , 好明顯這個人都有問題啦咁小事就要寫出嚟，又唔諗吓點解你報價客人唔買」。有人質疑，「有幾多個人會十件十件咁買，最多幾個，果幾個仲係未必次次都落單，真係當人哋個個都唔出街淨係網購買衫咁」

不過也有人理解，「大家真係唔知，有些客人，明明覺得價位貴，唔會幫襯買的，反而會特別多野問的。例如點解這件比另外一件貴？這3件有什麼分別？佢仲要話，我就係想知點解咁貴？做得網購耐，都見慣這些人了。今次個店主，應該初開店，經驗未夠吧了！」

帖文轉載自《咁既店主都有？》