【維港會】外婆教1歲孫仔揸筆寫字望成才 網民斥揠苗助長

不少家長都希望子女能「贏在起跑線」，所以在子女年幼時便安排一大堆課程。但近日有網民分享指，母親為了望「孫」成龍，竟然教1歲大的孫兒寫字，不少網民都批評做法是揠苗助長。

該網民周一（15日）於香港討論區發文指，姊姊去年誕下嬰兒，但由於夫婦都要上班，所以平時都將嬰兒交由母親照顧。而事主早前發現母親開始教孫兒認字，「原本都覺得有少少奇怪，一歲小朋友嘢都未必講得好，仲叫佢認字？」，不過事主以為只是玩樂，並沒有放在心上。

不過事主近日開始察覺到異樣，「見住我阿媽捉住阿B隻手去揸筆，然後學寫字」，事主見狀隨即喝停，沒想到母親竟回應指「學寫字最好就係抄書，想快啲教識個B揸筆，之後等佢早啲抄書學多啲字，係返幼稚園同小學之前就打好中文基礎，咁就可以專心學英文」。

事主對母親的回應感無奈，並對母親解釋，指有外國研究顯示過早教導孩子寫字會影響其手部發育，但母親反稱「呢啲係鬼佬研究，只啱係鬼佬身上用」，更指這是外國人偷懶的藉口。

事主擔心母親日後會變本加厲，「我怕我阿媽會要個孫小學之前已經要識背晒乘數表同背字典，可能仲要教埋個孫左右開弓，用腳寫字都唔出奇」，於是詢問一眾網民是否應該將實情告訴姊姊。

帖文引起網民討論，不少網民都批評其母親的做法，「揠苗助長聽過未」、「快啲同你家姐講啦，童年陰影，好大影響㗎」、「太早寫字會傷到小手肌」。

資料來源：香港討論區