陳山聰姚子羚齊縮沙 推陳自瑤著三點色跑步答謝觀眾

陳山聰、胡諾言、姚子羚、陳自瑤、劉穎鏇等出席無綫劇集《大步走》宣傳活動，陳山聰表示收視30點會誠邀陳自瑤以三點式跑步答謝觀眾。姚子羚則自言最近瘦了拒絕三點式示人，山聰即時建議子羚著羽絨跑步「着番脹佢」！子羚反擊叫山聰著丁字褲跑步，山聰即謂：「我最多唔著衫跑步，生咗仔要顧及形象。」並笑說：「叫埋劉穎鏇著三點式，佢身形咁好！（推個女出去咁衰？）梗係啦！唔通我呢啲叔叔做咩！」

就李施嬅未婚夫終於曝光，原來是周潤發及郭富城私人教練Anson Cha。好姊妹姚子羚透露有跟對方操練，笑說：「大家終於見到施嬅未婚夫真面目，係一個好正能量嘅教練。」至於她仍然單身，她笑說：「仲有胡定欣陪我嘛，死都拉埋佢！（有佢墊底？）咁又唔係，做姊妹最緊要幸福快樂，邊個先都無所謂。」