跳唱新歌有餘震 鄭欣宜唔識唱和音嗌緊張

鄭欣宜將於《博愛歡樂傳萬家》節目中首次獻唱新歌《@princejoyce》，她表示期待大於緊張，笑指已威迫眾男舞蹈員以韓國OPPA造型示人。她笑說：「又唱又跳唔簡單，最尾個動作要好型咁企喺度，但有啲地方仲郁緊，所以要加緊練習。（有餘震，驚企唔穩？）係呀！」

欣宜提到另一環節會跟鄭融、王灝兒（JW）及泳兒合唱，笑說：「好緊張呀！因為要唱和音，綵排有好多趣事，因為佢哋知道我真係唔識唱和音，呢個真係一個表演嚟。」此外，欣宜早前提到有社交焦慮症，她表示身處人多的地方會感到緊張，暫時未有看醫生打算，有新進展會跟大家分享。