滯留英國回港無期吳家樂3個月冇剪頭髮唔敢見人

2021-03-08 14:15

去年12月尾，英國出現傳播力強的新型肺炎變種病毒，港府即時宣佈禁止所有英國航班來港，除將從海外抵港隔離期延長至21日，若抵港前21日曾在英國停留的人，更一律不准登機來港。大批因公務、探親或其他原因而短暫到訪英國的香港人全部無法回港，至今已兩個多月。

吳家樂一家去年尾就飛去英國過聖誕，撞啱當地疫情大爆發封城，一家人都冇乜出外玩，加上飛港航班暫停，一家目前仍滯留當地。家樂有時會更新社交網報平安，之前就貼過仔女望街圖，並留言：「望着騎警巡邏也是樂趣。」又試過Po室外落雪加佢自己嘅白頭髮相，去超市買嘢咁「大件事」當然亦有影低，最新有側面加頭髮長長嘅佢，家樂表示「已經三個月冇剪頭髮了」，可能因為咁所以要Po側面相，李珊珊仲留言笑佢似金城武，換來當事人一個頂字。