【維港會】遊樂場內被小朋友撞倒 反遭對方媽媽狂罵10分鐘

近日有網民於社交平台上投稿，分享朋友在兒童遊樂場遇到的不快經歷。在防疫措施收緊前，網民的朋友帶小朋友去兒童遊樂場玩，突然年約一個5至6歲小朋友迎面衝來，兩人一起跌倒，朋友出於禮貌就扶起小朋友，後來竟被他的母親衝來並惡罵10分鐘，還要求朋友交出電話號碼，「咩事即刻搵你算帳賠醫藥費」，該名港媽行為引起網民熱論。

有一名網民於「生仔要考牌系列」專頁發文指，早前他的朋友帶同小孩到去兒童遊樂場玩時，突然被一個5至6歲大的小孩迎面衝到朋友身上，好大力撞去朋友的心口。朋友出於禮貌就扶起小朋友，他竟即時「爆喊」。朋友亦立即安慰他，待他哭完之後，可以自己行得走得，朋友才安心走開。

但原來小孩的媽媽一直在旁觀察整個過程，突然好惡衝出來，反指朋友撞跌她的孩子，「鬧足10分鐘」，並要朋友交出電話號碼，「咩事即刻搵你算帳賠醫藥費」，更要求即場打通電話測試，臨走時仍破口大罵！網民不滿直言其實該名小朋友「跑得跳得」，反而他的朋友「心口瘀咗一撻」。

該網民指小朋友於公園「整親」好正常，而且其朋友都已盡大人責任，感嘆「家長使唔使咁直升機？可憐個小朋友應該又會變港孩」。事件引起不少網民留言，質疑該媽媽「似勒索多啲！」，更有網民直言「梗係報警驗傷啦，均真啲好，唔係畀人話恰細佬」，「我係樓主個朋友就反客為主，報警再到醫院驗傷，難得佢肯主動比佢個電話號碼比我去做之後嘅索賠行動。」

資料來源：生仔要考牌系列