星島日報

【獨家】牛年行運 首度剖白拒做大馬少奶奶原因 龔嘉欣唔使男人照顧

2021-02-23 22:05
今年初奪得台慶兩個大獎,牛年仍行好運的龔嘉欣,首度剖白拒做大馬少奶奶原因。
今年初奪得台慶兩個大獎,牛年仍行好運的龔嘉欣,首度剖白拒做大馬少奶奶原因。

31歲的龔嘉欣在TVB台慶勇奪「馬來西亞最喜愛TVB女主角獎」及「最受歡迎電視女角色」,正式「升呢」TVB一線姐仔,嚟緊會主演4套劇集,好受重用,牛年絕對有運行。嘉欣終於上到位,背後付出好多,除咗拍到周身傷患外,去年更放棄做大馬少奶奶,她亦默認有呢件事,「我唔會為結婚而結婚,𠵱家我真係好開心!」採訪:方騫平 攝影:梁志明

今年初奪得台慶兩個大獎,牛年仍行好運的龔嘉欣,首度剖白拒做大馬少奶奶原因。
今年初奪得台慶兩個大獎,牛年仍行好運的龔嘉欣,首度剖白拒做大馬少奶奶原因。
繼續當旺

龔嘉欣已獲委派主演4套新劇,牛年繼續旺。
繼續當旺 龔嘉欣已獲委派主演4套新劇,牛年繼續旺。

盛傳龔嘉欣去年有機會嫁畀錫到佢燶,送車送樓兼送火鍋店嘅「富二代」男友Bryan,更已擇好日子,只要女方應承就可以做大馬少奶奶。但因為龔嘉欣唔想長留當地,過住啲相夫教子,平淡「少奶奶」生活,最終放棄嫁入豪門,繼續留港在演藝事業上搏殺!

等緊體諒佢嘅人
問到點解有少奶奶嘅福都唔去享,嘉欣默認:「我都31歲人,唔算係細個啦,如果考慮結婚,最重要係家庭同事業取得平衡,搵拍拖對象唔難,但要搵到一個人可以互相支持對方嘅工作唔容易,而且作為娛樂圈人,仲要顧及埋另一半嘅感受,更加唔係易事。」當姐仔個個都想嫁個有錢人,但她卻放棄可以「上岸」嘅對象,記者表示可惜,她即說:「我唔會為結婚而結婚,我第一份工係做演員,就算𠵱家出現另一半,都唔會為佢放棄艱苦經營咗13年嘅事業,而且我唔使男人照顧我,我靠努力去爭取𠵱家擁有嘅嘢,我覺得咁樣會好開心,所以𠵱家好開心,亦唔介意將來公一份,婆一份。」嘉欣強調目前等緊一個會體諒到佢嘅人,「𠵱家疊埋心水調養同賺錢,除咗要供樓,拍《大醬園》時因為太攰,搞到耳水不平衡要入院治療,當時好無助同忟憎,埋怨自己唔調理好身體。」

拒做闊太

嘉欣(左前1)唔想為咗「富二代」男友Bryan(右後1)放棄辛苦經營13年嘅演藝事業,呢張相攝於嘉欣的大馬火鍋店開幕當日,男友Bryan亦有到場。
拒做闊太 嘉欣(左前1)唔想為咗「富二代」男友Bryan(右後1)放棄辛苦經營13年嘅演藝事業,呢張相攝於嘉欣的大馬火鍋店開幕當日,男友Bryan亦有到場。
重大鼓勵

2016年奪「最佳女配」及今年奪得嘅「馬來西亞最喜愛TVB女主角獎」、「最受歡迎電視女角色」,嘉欣笑言係好大嘅鼓勵。
重大鼓勵 2016年奪「最佳女配」及今年奪得嘅「馬來西亞最喜愛TVB女主角獎」、「最受歡迎電視女角色」,嘉欣笑言係好大嘅鼓勵。

唔同蔡思貝比較

龔嘉欣不敵蔡思貝失落「視后」,但因為劇集《殺手》及《香港愛情故事》贏盡口碑獲封「民選視后」,還有唔少網民替她不值。她開懷大笑,反問:「係咩?哈…咁樣我經已好滿足,其實都冇諗過嗰兩套劇會咁爆,做人要知足,對我嚟講係好大鼓勵,增加咗唔少自信心,相對會對自己要求更高。」對於蔡思貝奪視后備受爭議,她即避談:「我唔想比較,我冇諗點解唔係視后,其實都關乎觀眾口味,鍾意邊類劇種,我諗最重要係實至名歸。但我有咁嘅成績,我好開心。呢刻攞唔到視后唔緊要,可能係好事,證明我要更加努力。當然,都想盡快可以達到視后目標。」

眼前一亮

龔嘉欣憑《殺手》Dark Angel,奪得「馬來西亞最喜愛TVB女主角」。
眼前一亮 龔嘉欣憑《殺手》Dark Angel,奪得「馬來西亞最喜愛TVB女主角」。
成身傷患

龔嘉欣喺《殺手》中打到飛起,傷痕纍纍。
成身傷患 龔嘉欣喺《殺手》中打到飛起,傷痕纍纍。
藥膏止痛

拍《殺手》期間,她晚晚要貼鎮痛貼舒緩痛楚。
藥膏止痛 拍《殺手》期間,她晚晚要貼鎮痛貼舒緩痛楚。
入院治療

龔嘉欣拍《大醬園》時曾因耳水不平衡入院治療。
入院治療 龔嘉欣拍《大醬園》時曾因耳水不平衡入院治療。
有好條件

龔嘉欣有樣,身材又唔差,唔難搵到適合嘅拍拖對象。
有好條件 龔嘉欣有樣,身材又唔差,唔難搵到適合嘅拍拖對象。
贏盡口碑

《香港愛情故事》贏盡口碑,龔嘉欣同羅天字的大膽情慾戲成為焦點。
贏盡口碑 《香港愛情故事》贏盡口碑,龔嘉欣同羅天字的大膽情慾戲成為焦點。
愛的抉擇

去年情人節,龔嘉欣仲攬住紥花放閃。
愛的抉擇 去年情人節,龔嘉欣仲攬住紥花放閃。
仲有野心

「少婦聯盟」好姊妹譚凱琪、陳凱琳及沈卓盈個個都結婚有B,惟獨龔嘉欣喺事業上仲好有野心。
仲有野心 「少婦聯盟」好姊妹譚凱琪、陳凱琳及沈卓盈個個都結婚有B,惟獨龔嘉欣喺事業上仲好有野心。
聲淚俱下

捱咗8年,龔嘉欣於16年奪台慶「最佳女配角」獎,邊講邊喊。
聲淚俱下 捱咗8年,龔嘉欣於16年奪台慶「最佳女配角」獎,邊講邊喊。

最新回應

關鍵字

相關新聞

熱門文章