星島日報

22歲二仔去年11月結婚 羅霖唔急抱孫恨見100分混血新抱

2021-02-23 19:30
羅霖去年11月榮升奶奶,最想盡快跟身在美國的二仔Jordan及新抱Dhyana見面。
羅霖去年11月榮升奶奶,最想盡快跟身在美國的二仔Jordan及新抱Dhyana見面。

羅霖今日到觀塘出席新春團拜活動,新一年她祝福大家身體健康,疫情過後能正常工作與生活。談到22歲的二仔劉子熙(Jordan)去年11月與德日混血兒Dhyana結婚,榮升奶奶的羅霖直言好掛住身在美國的兒子及新抱,她表示沒有婆媳問題之餘,更好似多了一個女兒:「我們會講個多小時電話,好多嘢兒子冇同我講,Dhyana都會話我知。新抱識煮飯同做家務,又會鞭策囝囝讀書,我放心晒!」不過羅霖卻稱不恨抱孫,事關Jordan於4月才踏入23歲,「周圍見識吓先都未遲,同埋佢哋計劃4、5年後再生B,新婚享受吓二人世界先啦!」

羅霖去年11月榮升奶奶,最想盡快跟身在美國的二仔Jordan及新抱Dhyana見面。
羅霖去年11月榮升奶奶,最想盡快跟身在美國的二仔Jordan及新抱Dhyana見面。
羅霖表示與新抱沒有婆媳問題,更會傾個多小時電話。
羅霖表示與新抱沒有婆媳問題,更會傾個多小時電話。

羅霖唔恨抱孫,不過就恨與新抱正式見面。新年時二人以視像拜年,Dhyana更以廣東話講祝賀語,獲羅霖大讚有語言天份。她亦非常關心二人對補擺喜酒及度蜜月的安排,又再次大讚兒媳:「Dhyana好尊重我意見,真係100分,不過大家尚未真正見面,唔知到時會否加、減分呢,哈哈。」二仔已拉埋天窗,但羅霖不會催促24歲大仔劉子榕(Nathan)及15歲細仔劉子晉(Jonathan),她坦言自己已見過細仔女朋友,同樣是靚女混血兒。

羅霖農曆新年期間已與新抱以視像拜年。
羅霖農曆新年期間已與新抱以視像拜年。
去年11月,羅霖的22歲二仔Jordan與德日混血兒Dhyana結婚。
去年11月,羅霖的22歲二仔Jordan與德日混血兒Dhyana結婚。

(左起)羅霖大仔Nathan、細仔Jonathan、二仔Jordan。
(左起)羅霖大仔Nathan、細仔Jonathan、二仔Jordan。

最新回應

關鍵字

相關新聞

熱門文章