【維港會】男上司每日買早餐情人節邀約 港男遇真人版《大叔的愛》感「毛管戙」

情人節是曖昧的男女表明心意的好時機，不過有網民就對情人節有陰影，只因親身經歷了一段電視劇《大叔的愛》式狗血劇情。有男網民在Facebook專頁「辦公室日報」投稿表示，之前一直感覺到男上司對自己有意，一次意外中被男上司「錫」了一啖，至此上司就展開了火熱追求，更在情人節約他出去。

網民表示，一開始未察覺上司有意思，直至一次在公司食完飯後，網民用電腦上網煲劇，上司突然凑近，「佢講嘢時嘅呼吸吐息直情喺我耳仔吹氣咁滯」，上司問他「你都有睇呢套嘢呀？」網民大驚之下本能反應回頭，嘴唇竟意外「錫」到上司的臉。

經過這次，上司每日買早餐給他，持續一個月左右，令網民逼不得已要在家中食完早餐才回公司。有時同事一起出去唱卡拉OK，上司也會幫他頂酒，有時會夜晚傳訊息給他談心事，更試過唱張學友的「有著我便有著你，真愛是永不死」錄音給網民聽，令網民「毛管戙」，「亦係呢個原因，我冇再聽張學友，一聽到就諗起」。

直至網民決定轉工，上司的行動就開始進取。網民2月遞辭職信，上司忽然鼓起勇氣直接出招，「但係個理由好老土，佢話有個女鍾意佢，而佢唔鍾意對方，希望我可以幫幫手，佢冇講到實則要點幫，淨係問我2月14情人節可唔可以一齊食dinner」。不過網民只回答他「你唔想煩，不如直接同佢講清楚啦。」拒絕幫上司之後，上司亦明顯保持了距離，明白了網民的意思。

網民表示，絕對尊重同性戀愛，不過不代表自己鍾意男人，自己也已經有女朋友「可能陰影太大，我會將同女朋友嘅合照set做電話wallpaper，WhatsApp頭像都係用女友合照，女友以為我好鍾意佢，其實唔係，純粹係陰影問題。」

帖文引起熱議，不少網民都食花生「我開頭以為主角係女人，原來係男人，即時笑咗」、「我腦補咗上司係町田啟太，男主係赤楚衛二」、「 呢啲經歷，唔止豐富咗當事人嘅人生閱歷，亦豐富咗佢同親朋好友之間嘅話題，都⋯⋯算係有啲得著吖」。

來源：辦公室日報