星島日報

【獨家】拖老婆歎海鮮過情人節 黎耀祥撐志偉任TVB高層係好事

2021-02-20 00:01
不問世事嘅黎耀祥重視家庭生活,不過力撐志偉任TVB高層係好事。
不問世事嘅黎耀祥重視家庭生活,不過力撐志偉任TVB高層係好事。

一向在TVB「無黨無派」,憑演技打穩江山成為三屆視帝的黎耀祥,去年雖然挑戰4屆視帝紀錄失敗,不敵「TVB親生仔」王浩信,但祥仔看透世情零失望,更力撐視帝王浩信及視后蔡思貝,著兩人不要介懷是非:「咪畀人講吓囉,又唔痕又唔痛。」過往都會去美國登台搵錢順便過農曆新年的祥仔今年只能留港,祥仔坦言最緊要親人喺身邊,邊度過新年都冇所謂。採訪:方騫平 攝影、譚壹致 場地:龍袍酒家@灣仔新鴻基中心2樓

不問世事嘅黎耀祥重視家庭生活,不過力撐志偉任TVB高層係好事。
不問世事嘅黎耀祥重視家庭生活,不過力撐志偉任TVB高層係好事。
拍拖開餐

兩公婆食賀年菜慶祝情人節,祥仔最愛食籠仔蒸象拔蚌,夾住腸粉一齊食好特式,而且象拔蚌夠脆嫩一啲都唔韌。
拍拖開餐 兩公婆食賀年菜慶祝情人節,祥仔最愛食籠仔蒸象拔蚌,夾住腸粉一齊食好特式,而且象拔蚌夠脆嫩一啲都唔韌。

疫情下留港過年的祥仔,情人節撇甩阿仔帶老婆梁耀蓮(Julia)去食最愛的龍蝦伊麵,仲有籠仔蒸象拔蚌及金萡滑年糕等,祥仔係暖男老公,先夾餸畀老婆,才輪到自己食。當日兩人由名廚「幟哥」黃永幟親自招呼。祥仔都算係半個大廚,初二嘅開年飯由他炮製,阿仔黎正橋最Like。


疫情下有工開

回顧過去一年,祥仔非常滿意:「因為肥媽個護照出咗問題,所以去年農曆新年嘅拉斯維加斯Show由我嚟頂,唱完疫情就大爆發,好好彩賺到水尾,年中喺香港拍咗內地樓盤廣告,年尾又拍咗劇集《拳王》同做清談節目《雙祥見》,喺疫情下工作叫有交待。」問到最美中不足係咪未能再度封帝?他語帶輕鬆說:「又咁講啦,攞過3次經已好滿足,好巴閉,再攞第4次當然要繼續努力,但已唔係目標,其實演員只要攞到觀眾認同及肯定已叫合格,合格後點樣再衝上去,真係要好多天時地利人和配合,加上觀眾口味,甚至政策方向,頒獎禮如行業上嘅推廣,成個行業蓬勃,大家有得撈搵到食,我攞唔攞到唔係咁重要。」

恩愛如昔

祥仔同老婆梁耀蓮結婚24年依然好恩愛,先夾餸畀老婆,才輪到自己食。
恩愛如昔 祥仔同老婆梁耀蓮結婚24年依然好恩愛,先夾餸畀老婆,才輪到自己食。
好鬼識嘆

兩公婆嘅「情人節賀年餐」包括有芝士焗南澳龍蝦伊麵、籠仔蒸象拔蚌、金萡滑年糕、臘味蘿蔔糕,芝士焗龍蝦係黎太至愛。
好鬼識嘆 兩公婆嘅「情人節賀年餐」包括有芝士焗南澳龍蝦伊麵、籠仔蒸象拔蚌、金萡滑年糕、臘味蘿蔔糕,芝士焗龍蝦係黎太至愛。

人人都想八卦

提到視帝王浩信及視后蔡思貝奪獎後備受爭議,後者更被質疑獲廣告老闆緋聞男友撐腰下奪獎。而陳自瑶對王浩信得獎後多謝她的反應又被網民封做「最佳女主角」,對此祥仔忍不住笑:「冇辦法啦,陳自瑶嗰個焦點突然間出咗嚟,大家都估唔到嘅,反而幫到台慶頒獎禮上咗熱搜第1位。其實呢行係俾大家茶餘飯後用嚟高興吓,讚又好彈又好,過多一頭半個月就冇人理啦,大家都係想八卦啫,咪畀人講吓囉,又唔痕又唔痛,都係咁生活。」

籲包容新一代

祥仔又指蔡思貝未致於冇資格獲視后:「TVB真係青黃不接,處於時代交替狀態,咁同以前個個做咗10幾20年嘅藝人比較,新一代梗係個個都唔夠秤啦,但呢個年代係一定會轉變,好處反而係年青化咗,大家畀多啲包容後生一輩啦。」祥仔亦強調點都唔信一個金飾廣告會幫到蔡思貝攞視后,「TVB有咁多大客戶,聽得邊個講呀?咁當年同樣有金飾廣告嘅林峯,唔通年年攞視帝咩?」由於祥仔向來冇後台,曾志偉上任TVB高層對佢冇乜影響:「佢哋係叻人嚟,多啲集師廣益都係好,多啲唔同諗法對TVB都係好事。」

支持志偉

曾志偉做咗高層,TVB即將變天,黎耀祥認同係好事,始終電視台要有新嘢。
支持志偉 曾志偉做咗高層,TVB即將變天,黎耀祥認同係好事,始終電視台要有新嘢。
明白事理

祥仔喺TVB「無黨無派」,亦唔係TVB「親生仔」,視帝輸咗畀王浩信,他好明白當中道理。
明白事理 祥仔喺TVB「無黨無派」,亦唔係TVB「親生仔」,視帝輸咗畀王浩信,他好明白當中道理。
大廚款待

當日由名廚幟哥(黃永幟)親自招呼兩公婆,仲提供親手炒嘅XO醬,鍾意食辣嘅祥仔大讚好好味。
大廚款待 當日由名廚幟哥(黃永幟)親自招呼兩公婆,仲提供親手炒嘅XO醬,鍾意食辣嘅祥仔大讚好好味。
高度自由

祥仔唔急於飲新抱茶,任由兒子自由發揮,做父母只會扶佢一把。
高度自由 祥仔唔急於飲新抱茶,任由兒子自由發揮,做父母只會扶佢一把。
變身大廚

以往在香港過年,初二開年飯都由祥仔炮製,拿手菜包括南乳炆齋、生炒排骨及冬菇髮菜湯。
變身大廚 以往在香港過年,初二開年飯都由祥仔炮製,拿手菜包括南乳炆齋、生炒排骨及冬菇髮菜湯。
別理是非

祥仔叫王浩信及蔡思貝唔好介懷外間言論,茶餘飯後話題轉瞬即逝。
別理是非 祥仔叫王浩信及蔡思貝唔好介懷外間言論,茶餘飯後話題轉瞬即逝。
一秒視后

台慶當晚陳自瑤嘅一秒好戲,祥仔講返都忍唔住笑。
一秒視后 台慶當晚陳自瑤嘅一秒好戲,祥仔講返都忍唔住笑。
Fit爆拍劇

去年尾祥仔拍TVB新劇《拳王》,56歲操到超Fit,期間要忍口。
Fit爆拍劇 去年尾祥仔拍TVB新劇《拳王》,56歲操到超Fit,期間要忍口。
趕到尾車

因為肥媽的護照出問題,去年農曆新年的拉斯維加斯Show由祥仔頂上。
趕到尾車 因為肥媽的護照出問題,去年農曆新年的拉斯維加斯Show由祥仔頂上。

最新回應

關鍵字

相關新聞

熱門文章