星島日報

肥姐離世13年 鄭欣宜緊記教誨承諾努力做個有用的人

2021-02-19 16:02
欣宜每年都發文紀念肥姐,當中都是母女之間的回憶。
欣宜每年都發文紀念肥姐,當中都是母女之間的回憶。

肥姐沈殿霞13年前的今日因肝癌病逝,愛女鄭欣宜在社交網發文紀念媽咪,並分享一張中學畢業典禮的相片,留言:「13年前我許下了一個承諾:『我會爭氣,我會乖,我會努力做一個有用嘅人。』」欣宜續謂讀書時自恃有小聰明,放學只顧玩,又經常欠交功課,令成績一落千丈,更驚動肥姐停工,飛到加拿大陪她讀書,但從沒有因此打她鬧她,「記得佢見到我啲分數時,佢冇打個(我)、佢冇鬧我。我見到嘅反而係佢對自己嘅失望。她好似喺度怪責自己『點解唔攞多啲時間出嚟去鞭策自己個女讀書讀好啲』。佢只係細細聲同我講咗一句『你要靠呢啲分數考大學㗎……』當時見到佢咁失望,我真係寧願佢鬧我、打我。」
欣宜說當年母女之間不懂用說話講心事,只靠寫字條傾訴心事,她承諾媽咪會以Honour roll畢業;欣宜說到做到,開始努力做功課、溫書,畢業時真的做到Honour Roll Student,她也永遠記得媽咪教她「做人要有頭有尾,講得出就要做得到」。提到自己在13年前許下承諾,「我冇特別爭氣,我冇特別乖⋯仲好似越來越唔聽話⋯我亦唔覺得我做到一個有用嘅人⋯但我一定有努力。I'm trying…I'm on my way there…你教我的我都記得。請放心。」

欣宜每年都發文紀念肥姐,當中都是母女之間的回憶。
欣宜每年都發文紀念肥姐,當中都是母女之間的回憶。
欣宜是肥姐的心肝寶貝。
欣宜是肥姐的心肝寶貝。

欣宜去年貼上兒時與母親的照片。
欣宜去年貼上兒時與母親的照片。

最新回應

關鍵字

相關新聞

熱門文章