【獨家】囝囝怕老竇寂寞鼓勵搵女友 林子博一家三口食盆菜過年

2021-02-17 22:56
林子博同一對仔女同大家拜年,祝大家牛年豐衣足食,賺到盆滿缽滿,個個青春常駐,好似乳豬咁脆卜卜。
林子博同一對仔女同大家拜年,祝大家牛年豐衣足食,賺到盆滿缽滿,個個青春常駐,好似乳豬咁脆卜卜。

父兼母職嘅林子博過年前同一對仔女去酒樓食團年飯,15歲大女詠渝不忘賣口乖,狂講意頭說話同老竇拜年𢭃利是,子博乘機整蠱仔女,著他們講財色兼收,11歲細仔卓楠接受爹哋搵女朋友,因為唔想爹哋孤獨終老!對此子博笑言:「新年流流講呢啲!」真係童言無忌,笑爆嘴!採訪:方騫平 攝影:梁志明 場地:龍皇酒家@銅鑼灣世貿中心

林子博同一對仔女同大家拜年,祝大家牛年豐衣足食,賺到盆滿缽滿,個個青春常駐,好似乳豬咁脆卜卜。
林子博同一對仔女同大家拜年,祝大家牛年豐衣足食,賺到盆滿缽滿,個個青春常駐,好似乳豬咁脆卜卜。
子女向子博拜年𢭃利是,點知卓楠話唔想見爹哋孤獨終老,接受他搵女朋友,一家三口都笑爆嘴!
子女向子博拜年𢭃利是,點知卓楠話唔想見爹哋孤獨終老,接受他搵女朋友,一家三口都笑爆嘴!

當天一家三口食團年飯笑聲不絕,子博表示除咗代媽咪派利是畀子女外,之前送聖誕禮物都會送得大份啲,要畀埋媽咪嗰份,又透露子女都習慣面對新生活。詠渝說:「我同細佬會互相照顧。」至於邊個做家務?子博話好公平,通常玩Card Game,由輸家去做,唔會恃住係爸爸點佢哋做嘢。

呢個鮑魚盆菜好足料,子博最鍾意食鵝掌,大讚炆到好入味,卓楠最愛遼參,詠渝猛食花膠。
呢個鮑魚盆菜好足料,子博最鍾意食鵝掌,大讚炆到好入味,卓楠最愛遼參,詠渝猛食花膠。
五年前一家4口拍過串燒賀年歌《四喜臨門》MV,係個美好回憶。
五年前一家4口拍過串燒賀年歌《四喜臨門》MV,係個美好回憶。

想返TVB做綜藝節目

提到新年願望,詠渝最想疫情快啲完,子博希望所有人都身體健康,社會盡快回復正常:「𠵱家個個都嗌晒救命,所以最近出咗新歌《逆水行舟》嚟勉勵大家,即使逆水行舟爬得好辛苦,但都會有人喺身邊支持你,好似張衛健好撐我,之前仲用視像接受我主持嘅電台節目訪問。」至於卓楠接受爹哋搵新女友,子博沒好氣說:「都唔會係𠵱家啦,邊有咁快可以呀?」

對於曾志偉做TVB做高層,子博以前常訪問他,形容志偉係好好嘅前輩,他坦言:「有機會我都想返去,畢竟喺TVB做咗11年,而且帶住兩個細路仔,都想搵份穩定嘅工作,可以試吓拍劇同主持綜藝節目。」

卓楠都好乖,平日有幫手做家務。
卓楠都好乖,平日有幫手做家務。
張衛健是子博的精神支柱,之前健仔用視像接受他主持嘅新城電台節目《Bibibala開大喇叭》訪問。
張衛健是子博的精神支柱,之前健仔用視像接受他主持嘅新城電台節目《Bibibala開大喇叭》訪問。
林子博以新歌《逆水行舟》嚟勉勵大家。
林子博以新歌《逆水行舟》嚟勉勵大家。

最新回應

關鍵字

相關新聞

熱門文章