【維港會】嫌胞妹與公屋男拍拖 網民鄙視︰十成十謀住層私樓

狗眼看人低？一名男網民發文指，父母日後會將2層私人住宅兄妹各自分配一間，但其胞妹近日與一名居住公屋的男子拍拖，嫌棄對方出身之餘，更質疑男方是為了覬覦妹妹的家產，有意棒打鴛鴦。

「連登討論區」網民發文透露，其妹妹今年20多歲、香港前3間大學畢業，工作都算不過不失，父母在香港有2層私樓打算將來留給他與妹妹一人一層。

他抱怨，最近妹妹經常出夜街原來認識了男朋友，他查問後鄙視對方，形容「住天水圍公屋，仲要車都冇，吓吓都係我阿妹揸車由港島過去搵佢，條友份工又係普普通通無發達個啲」。

他更質疑，男方「十成十係謀住我哋層私樓」，又直斥妹妹是「飲飲食食去旅行個啲弱智港女」。他甚至提出，「正常女搵男，至少都要竹門對竹門啦，到底點先教得識佢呢啲咁難開口嘅人情世故」、「如果自己屋企ok但對家窮到儂嘅，就算結得成婚都有排你受」

雖然發文者沒有提及私樓是甚麼地點、類型，但這番言論旋即引發激烈批評發文者勢利，有人指「自由戀愛，唔該尊重你細妹嘅選擇」、有兩層私樓女又點，公屋仔靠實力溝到你個妹，憑乜要搞散佢？」、「莫欺少年窮，話唔定人哋時來運到發咗達，最緊要心地好，錫你個妹。有錢對你個妹差咪仲衰」。

有人反擊，「我屋企住白百角House，男朋友石硤尾公屋，So What ?我就唔可以同公屋仔拍拖？呢啲就真係叫狗眼看人低，有私樓有車好威？住公屋有乜嘢問題」