星島日報

張若希為收雙封利是斗膽催婚 唐韋琪:有排等

2021-02-15 13:50
張若希唔使等老師結婚,唐韋琪都給她雙封利是。
張若希唔使等老師結婚,唐韋琪都給她雙封利是。

唐韋琪(Vikki)的17歲愛徒張若希(Cheyenne)去年才出道,今個新春是Cheyenne第一年向經理人兼唱歌老師Vikki拜年,第一年逗得對方的利是,Cheyenne話開心到飛起。問她開心是否因為逗得大利?她興奮說:「我未拆呀,媽咪話要過咗新十五才可以拆利是,其實只要有利是逗,唔理大細,一樣咁開心,利是係一個意頭,長輩送給後輩的祝福。」她更斗膽向Vikki催婚:「其實我最希望逗到Vikki姐姐嘅結婚雙封利是!」對於被愛徒催婚,Vikki笑言:「咁佢有排等喇!」
Cheyenne並表示本來計劃今年初一二與親戚拜年團聚後就全家去旅行,但因為疫情關係,唯有乖乖地留在香港:「所以全個新年都是拜年,不過就為免聚太多人,好多團拜都取消咗,利是都逗少咗好多,今年經濟咁差,我好明白,我就完全唔計較有冇利是,有得拜年已經好開心。」

張若希唔使等老師結婚,唐韋琪都給她雙封利是。
張若希唔使等老師結婚,唐韋琪都給她雙封利是。
張若希將每年的利是錢都儲起,留作將來投資用。
張若希將每年的利是錢都儲起,留作將來投資用。

唐韋琪給大家拜年。
唐韋琪給大家拜年。

最新回應

關鍵字

熱門文章