星島日報

《拳王》煞科崩潰爆喊 張振朗哽咽:呢套真係唔容易

2021-02-07 13:01
張振朗煞科又開心又感觸。
張振朗煞科又開心又感觸。

張振朗日前拍攝劇集《拳王》最後一日戲,由朝拍到晚至深夜才煞科,監製送上他為劇集苦練的爆肌照,令他崩潰爆喊!張振朗望著照片,哽咽謂:「唔簡單…唔簡單,但值得」,然後苦笑:「好辛苦,無論係預備、拍呀,遇到嘅問題,好多難題,不斷會打擊到自己嘅信心。」說到要跟角色離別時,他又一再哽咽:「係有一人份傷感,呢個角色好特別,可能為佢鋸咗自己好多肉、血出嚟,好想畀新嘢觀眾睇!」
為這劇最後一個演員獨自完成所有戲份,張振朗稱角色是孤獨的,他最後都是孤獨完結這劇。被問收工後是否回去陪女友?他說:「今晚返去…早啲抖啦!」他說最想是睡個長覺,睡醒跟屋企人食個飯,因為很久沒正式見屋企人,想跟他們分享這數月來遇到的事,抺著淚的他重覆說著:「呢套真係唔容易…真係唔容易!」問到想跟他們說甚麼?他忽然搞笑說:「你個仔冇事呀,仲企到喺度!」
張振朗與賴慰玲在台慶頒獎禮上分別奪「最愛歡迎電視男角色」與「最佳女配角」,二人變喊包喊不停;今回二人再次同劇,先完成戲份的賴慰玲同樣爆喊,有粉絲將賴慰玲和張振朗煞科喊照拼在一起,笑指巨蟹座都是感性。有網民留言被張振朗感動了,看出他付出的努力等。

張振朗煞科又開心又感觸。
張振朗煞科又開心又感觸。
張振朗拍外景受小朋友歡迎。
張振朗拍外景受小朋友歡迎。

張振朗一看為劇集操肌照就忍不住爆喊。
張振朗一看為劇集操肌照就忍不住爆喊。
全程喊不停。
全程喊不停。

粉絲把張振朗和賴慰玲的喊包照併合了。
粉絲把張振朗和賴慰玲的喊包照併合了。

最新回應

關鍵字

相關新聞

熱門文章