星島日報

【獨家】搵黎諾懿介紹信得過「筍盤」 高海寧堅持唔靠男人靠自己

2021-02-05 00:10
34D「咪神」高海寧搵黎諾懿介紹信得過,兼識煮飯嘅「筍盤」。
34D「咪神」高海寧搵黎諾懿介紹信得過,兼識煮飯嘅「筍盤」。

由五年前《愛回家》開始,現已變身「美食達人」嘅黎諾懿跟34D「咪神」高海寧(高Ling)係受歡迎組合,所以明晚(周六) 11時TVB播出嘅《big big shop今晚請客慶團年》再搵嚟兩人拍住上,以優惠價推銷賀年產品。諾懿對好拍擋高Ling讚不絕口,後者即叫他介紹「筍盤」,但一定唔要假桃花及爛桃花,強調:「唔好嘥我時間!」採訪:方騫平

34D「咪神」高海寧搵黎諾懿介紹信得過,兼識煮飯嘅「筍盤」。
34D「咪神」高海寧搵黎諾懿介紹信得過,兼識煮飯嘅「筍盤」。
黎諾懿跟高海寧將再一次拍住上推銷賀年產品。
黎諾懿跟高海寧將再一次拍住上推銷賀年產品。

上周黎諾懿及高海寧喺節目中介紹上海名菜烤麩,高Ling說:「上海人注重意頭嘢,烤麩即係『靠夫』,喻意老公喺新一年可以愈來愈好!」諾懿笑住寸她:「唔怪得我老婆成日叫我食,但你仲食?」高Ling扁晒嘴反駁:「我靠自己。」高Ling事後話係自己嘅心聲:「我性格獨立,從來都係靠自己。」

諾懿讚高Ling零缺點
  
黎諾懿對高海寧評價好高,猛話她樣靚身材正,口齒伶俐兼善解人意,好錫身邊朋友,願意花時間喺朋友身上,而且入得廚房出得廳堂,識煮飯嘅人係會加分嘅,他自爆說:「好似我咁,當年用廚藝嚟吸引老婆,有次煮咗佢最愛嘅星洲胡椒蟹,佢開始發覺我嘅好處,之後食完一道菜又一道,一直食到𠵱家。」

五億駙馬最後靠自己
黎諾懿好感恩成為「疫境廚神」,喺咁艱難環境為自己開拓咗一條新路:「當年被指『五億駙馬』,我堅持希望用行動改變大家亦留返畀大家慢慢睇,就算點講都冇用,𠵱家創出一片天嚟照顧到家人。」至於34歲,回復單身嘅高Ling希望今年有更多好劇集,唔心急拍拖:「等諾懿兩公婆慢慢幫我篩選,搵到好嘅先彈畀我啦!」

上周,兩人在節目中介紹上海家傳料理「四喜烤麩」。
上周,兩人在節目中介紹上海家傳料理「四喜烤麩」。
單身一排嘅高海寧有樣又有好身材,揀另一半的確唔使心急。
單身一排嘅高海寧有樣又有好身材,揀另一半的確唔使心急。

擁34D嘅高海寧係有料之人,黎諾懿笑言囝囝小春雞都好鍾意攬攬高Ling。
擁34D嘅高海寧係有料之人,黎諾懿笑言囝囝小春雞都好鍾意攬攬高Ling。
高Ling在《反黑路人甲》中表現出色。
高Ling在《反黑路人甲》中表現出色。
雖然爭唔到視后,但高海寧有好姊妹佘詩曼力撐。
雖然爭唔到視后,但高海寧有好姊妹佘詩曼力撐。
黎諾懿同陳敏之成為近年TVB飲食節目icon,大受師奶觀眾歡迎。
黎諾懿同陳敏之成為近年TVB飲食節目icon,大受師奶觀眾歡迎。
黎諾懿靠努力成為「疫境廚神」,創出一片天照顧家人。
黎諾懿靠努力成為「疫境廚神」,創出一片天照顧家人。

最新回應

關鍵字

相關新聞

熱門文章