星島日報

【獨家】為養家入行仍不辭OL工 《造星III》Cloud想同靚仔男友合唱

2021-02-03 23:30
Cloud為養家入行後仍未打算辭掉OL工作,還有計劃跟靚仔男友合唱cover。
Cloud為養家入行後仍未打算辭掉OL工作,還有計劃跟靚仔男友合唱cover。

Cloud(雲浩影)在《全民造星III》雖然未能打入三甲,但她成為觀眾票選冠軍已好滿意,更以向來鬼馬貼地態度笑言反正冇獎品。雖然得到觀眾喜愛令她決心入行,但參賽令積蓄乾塘,有養家壓力的她未打算辭掉文職工作。而暫時未簽公司的她,更有意跟靚仔男友Ryan合唱cover滿足「迷雲黨」,又笑言做埋男友經理人,不離搞笑本色。撰文:杜淑霞 攝影:張詠森 髮型:Wing Wong (The Attic) 化妝:Leo Tam 服裝:服裝:b+ab 場地:The Stadium (Kwun Tong)

Cloud為養家入行後仍未打算辭掉OL工作,還有計劃跟靚仔男友合唱cover。
Cloud為養家入行後仍未打算辭掉OL工作,還有計劃跟靚仔男友合唱cover。
Cloud入行後,希望做一個不同面向的歌手,「譬如可以唱到一啲好治癒嘅歌,同時可以唱到一啲令人好輕鬆、休閒、想un吓嘅歌,嚟緊都會想出一啲cover或者自己嘅歌。」
Cloud入行後,希望做一個不同面向的歌手,「譬如可以唱到一啲好治癒嘅歌,同時可以唱到一啲令人好輕鬆、休閒、想un吓嘅歌,嚟緊都會想出一啲cover或者自己嘅歌。」



對於總決賽成為票王,Cloud坦承加強入行圓歌手夢決心,「首先好感激大家咁支持我,初初抱住低調去參加比賽心態,通過呢個節目完咗去教唱歌、教琴,所以喺節目度會戴眼鏡,好低調,冇諗過人會鍾意,會投票畀我,呢個係最大得着,最尾攞唔到三甲都好開心,因為嗰晚嘅表演自己都係開心,亦為自己未來提供一啲方向,三甲冇獎品,所以攞唔攞都冇乜所謂,如果有100萬就唔同講法。」

Cloud提到做男友Ryan經理人推job,笑得勁開心。
Cloud提到做男友Ryan經理人推job,笑得勁開心。
23歲的Cloud中四參加歌唱比賽認識男友Ryan,兩人已拍拖7年。
23歲的Cloud中四參加歌唱比賽認識男友Ryan,兩人已拍拖7年。



不過Cloud未有打算辭掉OL工作,因參賽令積儲乾塘兼要養家,「我好保險㗎!其實𠵱家巿道都唔好,如果有需要同公司請個假去專心做,兩邊兼顧辛苦啲,但可以做到。同埋有份穩定工作,安心先至可以做一啲好嘅音樂。屋企本身唔富有,妹妹讀緊大學,爹哋媽咪工種都係啲辛苦工,所以自己作為家姐、長女有少少擔當,為咗自己嘅夢想就去辭咗份穩定工係幾自私。」積蓄所剩無幾的她,又不想問男友Ryan或者家人幫手,「比賽之前儲到差唔多6位數,但係𠵱家差啲4位數,好慘!(叫男友幫手?)我話想佢都會畀,但係唔想攞人啲錢,佢知道我需要咩就會靜靜雞買嗰樣嘢畀我。」由Cloud中四參加歌唱比賽認識至今的Ryan,一直好支持女友,她又趁機再讚男友,更打算情侶檔唱cover,「其實都傾過,佢唱歌好好聽嘅,佢唱歌係可以做幕前,但未必唱廣東話好叻。」提議她做埋男友經理人,她即搞笑話:「我幫佢推走一啲job,呢個女仔唔得,哈哈!」

小六時,Cloud參加薛家燕旗下教育中心歌唱比賽得獎,有Coupon之下再去學唱歌,隨後更成為兒童歌唱組合「Honey Bees」成員。
小六時,Cloud參加薛家燕旗下教育中心歌唱比賽得獎,有Coupon之下再去學唱歌,隨後更成為兒童歌唱組合「Honey Bees」成員。
大學時,Cloud參加《陳輝陽 X 女聲合唱《上一次流淚》作品音樂會》演出。
大學時,Cloud參加《陳輝陽 X 女聲合唱《上一次流淚》作品音樂會》演出。
參加《造星III》以來,Cloud憑貼地唔造作,令網友勁like。
參加《造星III》以來,Cloud憑貼地唔造作,令網友勁like。
Cloud小學已參加歌唱比賽,13年參加「全港中學校際歌唱大賽」時,與陳葦璇和曾比特齊奪獎。
Cloud小學已參加歌唱比賽,13年參加「全港中學校際歌唱大賽」時,與陳葦璇和曾比特齊奪獎。

最新回應

關鍵字

相關新聞

熱門文章