【維港會】男性友人初次約會去食西多士奶茶 港女嫌寒酸惹議

2021-02-03 19:30
港女不滿男性友人初次約會去茶餐廳食西多士、飲奶茶。資料圖片
港女不滿男性友人初次約會去茶餐廳食西多士、飲奶茶。資料圖片

有女網民在「香港討論區」發文,抱怨一名男性友人首次約會只是去茶餐廳食西多士、點奶茶,認為男方寒酸。

發文者稱,跟男方都是朋友介紹,只知他任職會計,拍過兩次拖,無不良嗜好,聽聞以往對女友好好、好大方,又請去日韓旅行,不是斤斤計較的人。朋友見兩人單身,才介紹互相認識。發文者質疑,男方並非低收入人士,第一次約食飯是去茶餐廳,只叫西多士、奶茶,「連鐵板燒都無,妳點睇?代表甚麼?不重視妳?」

發文者又指,「無話一定要去酒店食貴貴,一般食開嗰啲都可接受」,又舉例一些人均消費200至400元日本菜餐廳、意大利菜餐廳、酒吧,甚至人均800元以上的米芝蓮餐廳等,「都OK吖」。

她又批評,「咁都無理由去茶記只叫西多+奶茶,會唔會好寒酸呢?就算請普通朋友都唔會咁無體面啦。咁即係佢純粹當我普通朋友攝時間?」,又指「朋友們問我這男仔約妳出街去哪兒食,她們基本上一致都給他負評。」

港女不滿男性友人初次約會去茶餐廳食西多士、飲奶茶。資料圖片
港女不滿男性友人初次約會去茶餐廳食西多士、飲奶茶。資料圖片

網上議論紛紛,有人質疑發文者要求過高,第一次約會可能只是互相了解,「如果你咁在意第一次食咩就是重視,即係第一次同你食愈名貴就愈重視你?你依啲最容易中伏愛情玩家心態」、「既然你話唔洗日日都要咁,點解唔可以倒返轉頭,今日食茶餐下次再食其他嘢,第一次見面可能純粹朋友式見面。食茶餐係寒酸?今時今日香港咩經濟環境大家心照。你認為寒酸,點解你不可以認為一個生活體驗?或者你認為依個生活體驗好似太早,每個人對感情有不同的進展步伐,提早面對現實總好俾假希望大家」、「你要求好咪去好啲嘅地方食,有啲人無所謂是但,都可以去食吓傾偈睇吓對方嘅樣貌儀態心態。第一次主要見吓面睇吓啱唔啱眼緣,有無得繼續啫。」

不過有人認同男方不妥當,「第一次見面, 我會約去環境比較靜的餐聽或CAFÉ,大家傾計都好啲,佢約去茶記, 一來係唔尊重呢次見面, 二來係孤寒;不過, 唔去麥記都未使扣到零分,但都係唔使再見啦! 啲ELETE & NEXT」。

有人奉勸事主,「既然你哋朋友介紹,你對佢從朋友有一定程度認識同了解,點解不俾更多時間大家?你係不係佢喜歡嘅女仔類型,我就不得而知,我只能說每個人隨著時間同際遇都會有變化,你無需要一次食飯就去評論。你同佢年齡都應該不細,想法自然趨向現實。」。

港女不滿男性友人初次約會去茶餐廳食西多士、飲奶茶。資料圖片
港女不滿男性友人初次約會去茶餐廳食西多士、飲奶茶。資料圖片

最新回應

關鍵字

相關新聞

熱門文章