【維港會】港女與已婚男偷歡後懷孕 愧疚求問應否墮胎陷道德爭議

有女網民在「親子王國」討論區內發文，指與一名已婚男同事發生關係，其後男方回到妻子身邊，女網民現在已經後悔但現已懷孕7星期，男方則主張墮胎，於是向網民求教應否墮胎，網民激烈爭議。

這位任職文員的33歲「二奶」透露，她跟一個四十多歲已婚男同事偷歡，現在已懷有身孕，她承認做錯，但解釋當時男方聲稱對妻子已經無感情才一起，更誓言會與妻子離婚。

女網民說現在男方要回去妻子身邊，說不可以失去妻子，而妻子又願意原諒婚外情丈夫。「男人得知我有咗，叫我一定要落仔，話為咗我好，如果生咗出嚟，帶住小朋友仲點去揾其他仔。仲講如果落完仔，之後有咩心理問題其實直接去睇精神科或心理醫生，反正有得醫。」

女網民猶豫，「雖然只得7周，但我感覺到個到肚有個生命係到，一日一日咁陪住我…小朋友係咪真係唔應該出世」又指，「我唔會再去傷害佢老婆…正如大家所講，佢老婆係最無辜，已經受傷害了一次了.... 如果我決定獨立撫養，會同呢個男人斷絕所有來往，因為佢已經選擇放棄左小朋友。」

不少網民指責女事主拆散其他家庭，有人批評「呢啲出自小三口嘅故事都係千偏一侓話係畀男人呃，事實係點只有天知道，生唔生亦唔應該由網民畀意見」。

也有人直言，「我身邊單親媽媽都係生小朋友後離婚，佢地無得塞返仔女入肚先被迫單親，佢地無得揀，你有得揀」、「個男人真係好XX，搞大左你個肚就話同老婆復合。我都唔識畀意見你，但你要諗清楚單親媽咪條路都唔易行，你將來再拍拖，人地唔知會唔會對你小朋友好。或有小朋友邊個湊? 你經濟能力係未真係ok? 總之你要做好晒所有心理準備，先好做好咁大嘅決定。」

有人覺得，「唔係你同唔同個男人在一齊，而係你要唔要個小朋友，呢兩件係獨立嘅事情。如果你獨立撫養，係咪應該同呢個男人斷絕所有來往先？ 你同佢講就算生咗, 佢無權知，無權見，會同BB佢講佢老豆死咗， 亦都幫自己 粉碎無謂嘅期望。再衡量客觀嘅因素， 現實嘅問題，有無能力帶領教導佢面對人生嘅挑戰。 正常家庭教好一個仔女， 其實都唔容易， 佢先天嘅條件不足，家庭複雜， 佢面對競爭嘅壓力更加大， 而你都一樣， 預咗會做得更多。」、「個男人已經擺明唔會負責任，和你也沒有結果，你要明白亦要接受，你能力和心理狀況都可以嗎？生出嚟係一世的責任，無論順景/逆景，孝順與否⋯你能對小朋友不離不棄嗎？請認真考慮清楚」

不過也有人認為始終是一條生命，「贊成係唔應該，因為係人命，但你嘅處境，一定要好好想清楚，我建議你通知佢老婆，要畀個男人知出黎偷食，唔係拍拍屁股就無事，佢負唔負責唔緊要，因為預咗佢唔會負，但都要佢承受偷食嘅後果。」