【一星期6歌手回歸】BOBBY@iKON相隔3年再單飛 IU出先行曲為新碟造勢

韓國歌壇年尾就最繁忙，一班過去一年有出歌嘅歌手都會上節目表演特備環節。特備節目啱啱先完，已經有唔少歌手又籌備回歸，今個星期仲要有6組喺韓國內外都好有人氣嘅單位，齊齊推出韓語作品掀起新一輪激戰，睇嚟各大音樂節目排行榜又要洗牌嘞！


BOBBY 1月25日
時隔3年，男團iKON成員BOBBY昨日再度Solo回歸，推出第二張正規專輯《LUCKY MAN》，主打歌是《U MAD》。近日有指iKON正在協調行程，參演Mnet電視台的男團比賽節目《KINGDOM》。所屬公司YG娛樂早前亦畀師弟TREASURE上Mnet音樂節目《M!Countdown》，如果屬實，睇嚟雙方真係破冰喎。

Golden Child  1月25日
INFINITE師弟、17年出道的男團Golden Child同樣在昨日以第五張迷你專輯《YES》回歸，主打歌是《Burn It》。Golden Child今次挑戰雷鬼曲風，更在預告開始已經大玩劇情，講述10位成員同女主角一齊躲避喪屍感染，夠晒引人入勝。

IZ*ONE 1月26日
選秀節目《PRODUCE 48》出身的女團IZ*ONE上月才推出新歌《Panorama》，今日將在串流平台公開數位單曲《D-D-DANCE》，後日推出MV。今次的單曲是經IZ*ONE早前加入的粉絲平台「UNIVERSE」推出，該平台可讓粉絲連結線上和實體的活動。

圭賢 1月26日
SUPER JUNIOR靚聲主唱圭賢也會在今天韓國時間下午6點推出數位單曲《Moving On》。《Moving On》是翻唱歌手洪碩旻（音譯，홍석민）於15年發行的同名歌曲，令人十分期待圭賢會如何詮釋。

IU 1月27日
去年只發行了一首單曲的IU，明日將推出第五張正規專輯的先行曲《Celebrity》。《Celebrity》是IU首度嘗試行開朗輕快的Pop風格，用嚟為新碟打頭陣超有新鮮感。

泫雅 1月28日
泫雅後日以第七張迷你專輯《I'm Not Cool》回歸，新碟由所屬公司P NATION社長PSY親自操刀，泫雅男友Dawn亦有份參與。泫雅去年因抑鬱症和恐慌症復發而暫停回歸計劃，如今健健康康回歸樂壇，粉絲一定放下心頭大石。