情傾Edan唔要姜濤小儀緊張偶像拍咀戲願做指導

2021-01-19 18:45

小儀、Edan（呂爵安）及黃奕晨（Dixon）主持ViuTV遊戲節目《考有Feel》。

ViuTV遊戲節目《考有Feel》由小儀、Edan（呂爵安）及黃奕晨（Dixon）主持，小儀自爆主動向監製要求跟Edan合作，大讚他是最靚仔的拍檔，勝過森美及金剛，小儀興奮表示：「我見到Edan就有返以前做小Fans的感覺，會想不斷關注他。我都唔知點解，理應對住姜濤才會有這種感覺，姜濤是得意的，但不是我鍾意的類型。」Edan聞言即搞笑表示「贏咗姜濤」的評語可寫落履歷表，笑爆全場！此外商台昨日有清潔工初步確診，小儀表示未曾接觸過該員工，但已做了多次檢測證明「乾淨」。

日前Edan證實將參演港版《大叔的愛》，「迷妹」小儀即大嗌緊張，又謂要去監場兼做咀戲指導！Edan直言跟有份參演的MIRROR隊友Anson Lo太熟，拍親密戲時不會尷尬：「大家笑吓算啦！他也說不想錫我，我便跟他說是益了他囉！（會否伸脷？）不會啦！這是純愛故事，劇本沒寫不會加，大家也未必接受到啦！」Edan又大爆中學時曾有男同學Send短訊追求，又乘機讚自己因為靚仔才被以為是同性戀。