巴打親子團玩公園野餐 張孝全兩歲巨形囝囝曝光

19年中，有「國民老公」之稱的台灣男神張孝全被爆已婚，張太更於18年12月為老公誕下囝囝，私生活一直低調的孝全事後亦大方直認已婚及育有一名兒子。


據知張太結婚時28歲，她跟孝全早於20歲初已相識並曾拍拖，但拍拖冇耐便因要分隔兩地而分開。2016年尾，兩人再遇並火速重燃愛火，拍拖兩年後決定結婚，並在18年尾生埋BB。

話咁快，孝全個仔已兩歲，而佢有唔少巴打老友同樣做咗爸爸，日前佢就同曾憑《KANO》奪得金馬獎最佳新導演獎的老友馬志翔等朋友抱埋仔女去公園野餐，難得參與巴打親子團，當然要影相留念，從而令孝全個仔曝光，但小馬都算識做，識得同小朋友事後加工戴返副超。

37歲嘅張孝全好鍾意做運動，特別係踩單車，練就一副粗壯大塊頭身形，兩歲囝囝似足老竇咁大隻，超壯阿爸抱住冇問題仲識笑，但媽媽抱就啲有啲吃力，大多幾歲應該抱唔掂。