陳展鵬44歲生日 囡囡餵食柑甜到漏

陳展鵬前日（14/1）44歲生日，一家三口在家溫馨慶祝，太太單文柔用銀色氫氣球作布置屋企，又準備了日本空運來港的海鮮和生果為老公慶祝，雖然不是太太親自下廚，但陳展鵬已非常滿意。
囡囡「小豬比」興奮玩氣球外，又親手餵爸爸食日本柑，不過就將跌在枱仔上的果肉遞給爸爸，展鵬一點都不介意張開口迎接。單文柔就寫道：「跌咗就畀PaPa食，唔緊要，第時大個唔好畀過期嘢畀PaPa食就ok。」餵完給爸爸又餵媽媽，輪到小豬比自已食的時候，因為手仔未夠力搣柑，弄得一手是汁液，即向爸爸求救：「爸爸…dirty…抹手」，展鵬即遞上紙巾讓她清潔；她又知道柑皮「硬硬」不能食，非常聰明。