【獨家】拖老公行街買卡 拉姑抗疫一年終學識戴罩

2021-01-15 22:00
拉姑早前戴灰白迷彩口罩,襯晒成個灰白Casual look,同老公鬍鬚Kong落銅鑼灣行街。
拉姑早前戴灰白迷彩口罩,襯晒成個灰白Casual look,同老公鬍鬚Kong落銅鑼灣行街。

現年69歲的狄波拉(拉姑)好驚中新冠肺炎,所以兩度被《頭條日報》記者影到戴「孖罩」,但專家講過咁做只有反效果,結果抗疫足足一年,拉姑終於學識戴一個口罩!日前,戴灰白迷彩口罩襯晒成個Look的她,拖實老公鬍鬚Kong落銅鑼灣行街、食飯,其間兩人仲去揀卡送畀老友。採訪:梁志明

拉姑早前戴灰白迷彩口罩,襯晒成個灰白Casual look,同老公鬍鬚Kong落銅鑼灣行街。
拉姑早前戴灰白迷彩口罩,襯晒成個灰白Casual look,同老公鬍鬚Kong落銅鑼灣行街。
拉姑與鬍鬚Kong拖實周圍逛。
拉姑與鬍鬚Kong拖實周圍逛。

拉姑和老公鬍鬚Kong都鍾意熱鬧,以往大時大節均約大班好友慶祝,惟礙於疫情嚴重兼受限聚令影響,相信近日都冇乜Party可以去,不過他們仍然好有心,未知是否身邊好友生日呢?冇得「飯聚」,惟有送張卡表達心意。早前傍晚約6點,拉姑以一身灰白為主調的Casual look,襯番個灰白迷彩口罩,與同樣戴住花碌碌口罩的鬍鬚Kong,一齊拍住拖去時代廣場Shopping,順道於晚飯前去轉Logon買卡。

拉姑終於識得只戴一個口罩防疫。
拉姑終於識得只戴一個口罩防疫。
拉姑去年被《頭條》拍得戴「孖罩」出街。
拉姑去年被《頭條》拍得戴「孖罩」出街。

拉姑駐足貨架前,用手指篤一篤面珠諗咗陣,再問問身旁的鬍鬚Kong意見,好快她便睇中一張178蚊的「WE LOVE YOU」巨形卡,呢張卡最大的特色是可貼上充滿回憶的照片,相當有心思;其間她亦擸了幾張正常Size的賀卡,鬍鬚Kong就全程充當小助手,默默幫愛妻拎嘢。到揀完卡,拉姑繼續在店內遊蕩,鬍鬚Kong便獨自去排隊畀錢,他見到傳媒在場更禮貌向記者展示戰利品。隨後,兩人手拖手再去食通天撐枱腳。

鬍鬚Kong向記者展示所揀的心意卡。
鬍鬚Kong向記者展示所揀的心意卡。
鬍鬚Kong拎住堆卡去畀錢。
鬍鬚Kong拎住堆卡去畀錢。
之後兩人排隊搭Lift上食通天晚餐。
之後兩人排隊搭Lift上食通天晚餐。
19年聖誕節,兩公婆去了劉嘉玲屋企開P。
19年聖誕節,兩公婆去了劉嘉玲屋企開P。
關鍵字

最新回應

關鍵字

相關新聞

熱門文章