見Nichkhun@2PM感動爆喊　戴祖儀誓言通關即赴韓追「夫」

韓國男團2PM的泰國成員Nichkhun早前來港拍攝荷里活電影《Hong Kong Love Story》，昨日戴祖儀（Joey）追星成功，她在社交網上載與Nichkhun的合照，更一人擺出一邊心心手勢。Joey以英文寫道：「我一直希望某日能見到你真人，沒想過這一天真的會來臨。想像你站在我身旁，如今你真的就在我旁邊，2021年對我而言已經是最特別的一年。」

段英文望落好冷靜，其實Joey不知幾激動，怕偶像用翻譯功能睇得明的她在Hashtag位置透露心底話：「嗚嗚嗚，我真係好開心好開心，想當年日日睇《我們結婚了》都睇到又開心又嬲嬲豬，點解唔係我同佢結婚，我都想日日叫佢起身。原來見到以前最愛既（嘅）偶像，係會感動到跑去無（冇）人既（嘅）地方大叫幾聲同喊出幾滴淚。我決定開關第一站會係韓國，無（冇）一頭半個月都唔番（返）香港啦，我要去追夫，I mean追星。嗚嗚嗚，我又想喊了。」

Joey一直是Nichkhun的忠實粉絲，她仲自爆15歲時所畫的每幅畫作都有對方個名。天馬行空的她更畫出Nichkhun的校服及古裝Look，更畫埋二人的仔女，又寫上2PM經典歌曲《Heartbeat》的歌詞。另外，上月尾Nichkhun已搶先與多年好友姜麗文（Lesley）見面食飯，Lesley仲挨喺Nichkhun膊頭，不過準人妻Lesley就明顯好自在，只係戴定頭盔搞笑表示Nichkhun與她的工程師未婚夫Pakho已經互相批准。