星島日報

【維港會】上司指主管未走為何不OT 網民:起份返9放11嘅合約畀我

2021-01-14 14:50
加班工作問題困擾不少上班族。日劇《我要準時下班》截圖
加班工作問題困擾不少上班族。日劇《我要準時下班》截圖

香港人最鍾意返工?有網民發文透露,上司近日質問為何不超時工作又指部門主管都未走,網民於是反叫上司另起一份朝9晚11的合約,事主再考慮簽不簽,迎來網民讚好敢堅持己見。

網民在facebook專頁「奴工處」指,「有日上司同我講點解唔OT做埋啲嘢,而且部門大姐未走,你點解早走過佢。」事主於是反駁上司,「工作係做唔完,我係要求嘅日期前畀到你要嘅嘢就得,另外如果你咁介意我返9放6,咁唔該你同人事部講,起份返9放11嘅合約畀我,再睇下我到時簽唔簽。」

上司自此之後不敢再要求事主加班。事主自言,之前都好像普通市民一樣,日日加班到10、11,有開工無收工,「結果一場大病,死過返生,就明白人死咗咩都冇。」

事主奉勸仍然每日加班的市民要小心身體,「有病起上嚟,賺幾多都會回吐返出嚟,分分鐘仲嘔凸」。

加班工作問題困擾不少上班族。日劇《我要準時下班》截圖
加班工作問題困擾不少上班族。日劇《我要準時下班》截圖


有網民認同,「我都係咁諗,咁同上司講,保護我嘅底線,準時返準時返,6點後係我私人時間,點解要OT,就如你去揼骨,講明45分鐘就完,你試下同人講,我幫襯你,你不如送多個幾鐘畀我,你睇下人地啋唔啋你」

有網民留言指,「我最癲試過,公司爆鑊兼趕Deadline,搞到半夜兩點先收工。第二朝準時返到去,仲要被上司吋『work hard』不如『work smart』,之後日日準時收工由佢了。」有網民稱,「做過某大公司啲Admin, 有日放工前收到阿頭通知話:你哋放工準時走呢就唔係咁好睇! 希望大家可以6點後留底坐下, 碎下紙呀,傾下嘢咁,總之唔好準時走!希望一星期有4、5日係咁,每日嗰零鐘最理想喇! ...然後聽完我就收工,跟住成team人冇人彩佢,繼續準時收工」。

不過也有網民是被公司阻止加班,「OT既工係俾無能力而要賣時間嘅人做。我話你知俾你OT係恩賜嚟,我做過幾份工係唔畀人OT,六點鐘就鎖門,唔可以帶電腦走,但係就照睇performance。」

網民稱大病一場過後學會身體健康重要。日劇《我要準時下班》截圖
網民稱大病一場過後學會身體健康重要。日劇《我要準時下班》截圖

最新回應

關鍵字

相關新聞

熱門文章