【維港會】未婚夫被要求大灣區置業 港女憂因親母「嫁唔成」

一名港女近日與未婚夫商討結婚大計，惟未來岳母被三姑六婆影響，要求二人在大灣區置業才可出嫁，讓未婚夫感到有壓力，港女憂慮會因為母親的無理要求而「嫁唔成」，引起網民熱議。

一名女網民於香港討論區以「我同未婚夫幾乎因為我阿媽分手」為題發文，表示正與未婚夫商討結婚細節，二人已有共識決定不擺酒席，簡單與雙方家人吃一頓飯即可。女網民指，本身其母親都決定同意相關安排，惟其嬸嬸向母親建議，雙方結婚即使不擺酒都要置業，「唔通仲痴屋企咁無出色咩」，質疑男方是否想「食軟飯」。

女網民表示，二人都有置業打算，只是尚未開始「睇樓」，未婚夫亦「好順老人家心意」，在家人要求後便開始「睇樓」。然而，這個時候嬸嬸又「出招」，指之後會發展大灣區，勸籲二人到內地置業：「仲叫我阿媽約我哋2個一齊返內地即刻睇，就算要隔離都要返去睇！」

女網民與未婚夫本來無打算在香港以外的地方置業：「屋企人、朋友、份工都係呢度、無啦啦返咩內地買樓？我自住咋嘛。」加上未婚夫父母年紀大，不想離開兩老太遠。

女網民向母親解釋，惟惹起母親不滿：「唔知我嬸俾咗啲咩迷湯我媽飲，我媽發哂脾氣都話要返內地買，唔順佢意就唔俾我嫁，野蠻嘅程度令我未婚夫都有說話聽」未婚夫因母親的要求感到有壓力，又有微言質疑是否二人在不適合的時間結婚。女網民表示被母親激死：「如果我嫁唔成，都係佢害」。

女網民的兩難境況引起網民熱議。有其他網民留言指：「你哋買樓都係你哋兩個人住啫，又唔係同四大長老住，唔使理啲三姑六婆咁多啦！」又有網民表示二人平時返工都在香港，沒有在內地置業的理由，建議網民以孫兒作引入點勸退媽媽：「如果第時有BB，個邊（跑馬地等地）個校網係名校網，對小朋友一流」、「拉埋個孫同你阿媽講， 你阿媽可能會讓步呢」、「唔捨得離個孫咁遠呀」。

亦有網民建議：「你同阿媽講，解決咗喺本地嘅住屋問題，大灣區喺度假退休嘅選擇，可以遲啲諗，無必要咁樣而放棄一段姻緣。」