【維港會】「無品」睇樓客開全屋水喉試 遂隻櫃門打開兼彈足一小時

賣樓遇到好買家非常重要，近日有網民稱一個睇樓客上門時，不單止擅自打開水喉，更逐個櫃門打開，幾乎反轉網民的家，令網民大呻「好惡頂」。

該網民日前於香港討論區上出帖，指有名睇樓客已經視察過幾次，並打算出價，於是再帶了他的家姐上門睇樓。但睇樓客的家姐竟然於傾談時，在沒有詢問下偷偷打開了全屋的水龍頭，更打開花灑「淋濕衫籃啲污糟衫」，她更遂隻櫃門打開，令樓主不禁斥「大佬，人有私隱㗎」。

除此之外，該名家姐更大肆批評近一小時，要求多多指「新界地契沒有99年」、「剛做完大維修，佢話20多年後又要俾多一筆」等。

網民大呻「其實佢無心買就唔好嚟將我屋企翻轉咁制」，睇樓客走後，網民更用了整個下午消毒。他又指「雖然多人看多個機會，合價則來不合則去，但佢行為真係好惡頂！」

不少網民看到帖子後均大斥睇樓客家姐的行為，稱「連基本對人嘅尊重都無」、「俾我第一時間趕走佢喇」。但亦有網民認為無問題，「又要求人買你層樓又要嘈」。