【維港會】樓上大叔吐痰流到鄰居窗口 網民抱不平求助

疫情下相信大家都必定認為家中較外面乾淨衛生，但如果遇到無品鄰居，分分鐘比外面更污糟。有網民稱，樓上的大叔周不時向窗外吐痰，並流到鄰居的窗口，令鄰居大感頭痛。

事主於Facebook群組「將軍澳主場」出帖，稱樓上的大叔「三番四次cut too飛劍(吐痰)」並流到鄰居窗口，指想「幫吓鄰居」，故向網民尋求幫助。他又向網民請教「可裝閉路影上去佢露台再告佢？」

樓主出帖後，隨即惹來大批網民大斥樓上大叔的行為，「咁賤嘅人都有嘅。」、「真係好核突喎，唔見係吐喺屋企都塊地嘅」及「好嘔心呀！比我會頂唔順咁唔衞生，替你難受。」

有網民亦稱遇過類似情況令他要重新洗衫，「我今日先有人係樓上嘔落嚟，搞到十幾層人的露台中曬招」。另外，有不少人提出，認為樓主鄰居可向「管理處投訴，座頭貼通告貼相開佢名啦」。