濕透索抱嚇到劉青雲速逃　劉德華冒寒接受「冰桶挑戰」

2021-01-11 18:15

電影《拆彈專家2》由邱禮濤執導，兩大影帝劉德華（華仔）及劉青雲相隔18年再合作主演，戲中華仔與青雲亦敵亦友，由原本合作無間的「好兄弟」，最後變成互相猜疑的「死對頭」。為展現二人的「兄弟情」，戲中特別加插一幕青雲為華仔淋冰水，接受「冰桶挑戰」的鏡頭，場面既搞笑又溫馨。拍攝當日天氣寒冷，導演與一班幕後工作人員在現場均穿上風衣和外套，唯獨華仔和青雲無懼冷風，以單薄的拆彈制服上陣，當中華仔更要被青雲用大桶冰水由頭淋到落身，真係睇見都「心寒」。

為求淋冰水鏡頭一take完成，華仔與青雲事前特意「無冰綵排」，模擬淋冰水過程好幾遍，其間二人表現雀躍，就算是綵排亦相當投入，絕不欺場。當導演大叫「Action」時，手持冰桶的青雲大叫：「唔好怪我呀！」而跪在地上準備接受「冰桶挑戰」的華仔亦興奮大叫：「嚟吖！嚟吖！」之後青雲狠狠地將冰水淋在華仔身上，最後全身濕透的華仔想熊抱青雲，嚇得青雲「急急腳」跑走，場面搞笑。