自認硬頸令台前幕後受氣 蔡思貝圓夢奪視后約胡鴻鈞慶祝

2021-01-11 16:30
思貝稱會與胡鴻鈞一齊慶祝,但強調大家是朋友。
思貝稱會與胡鴻鈞一齊慶祝,但強調大家是朋友。

入行7年的蔡思貝昨晚在《萬千星輝頒獎典禮2020》,憑《踩過界II》「癲姐」一角擊敗勁敵龔嘉欣,首度奪得視后!騷後,她與「雙料視帝」王浩信、大馬視后兼獲得「最受歡迎電視女角色」的龔嘉欣,以及榮獲「最受歡迎電視男角色」的張振朗,接受崔建邦、張秀文主持的《諸朋好友萬千星輝夜》訪問,思貝自認是「硬頸一族」,因其執着令身邊的工作人員及拍檔要受自己的脾氣,這些都有一一檢討和進步,要尊重別人尊重自己,也深明做好一個人才能做好一個演員。

思貝稱會與胡鴻鈞一齊慶祝,但強調大家是朋友。
思貝稱會與胡鴻鈞一齊慶祝,但強調大家是朋友。
思貝憑《踩過界II》「癲姐」一角首度登上視后寶座。
思貝憑《踩過界II》「癲姐」一角首度登上視后寶座。

其後接受傳媒訪問,思貝開心表示:「從來冇諗過要幾多年先奪得視后呢個獎項,但呢個係其中一個夢想。」提到3年前曾說過不喜歡自己,她稱:「愛惜自己係最重要,每個人都有呢個難關,我仲學習緊,我喜歡自己,亦多謝大家喜歡我,今晚最開心係能夠同賴慰玲一齊獲獎,仲可以親手頒獎給佢。」並謂得獎後獲多位監製恭喜,大讚她跟過去判若兩人,思貝坦言:「我真係好努力喺所有範疇上作出改變,不只係演戲,做人同所有細節上都是。由當選港姐走到而家,呢條路真係唔容易,3年前我攞最受歡迎電視女角色獎時唔係信口開河,我會證明自己努力唔係講完就算,我好開心同榮幸能夠攞到呢個獎。」

自認「硬頸一族」令台前幕後受氣的思貝,稱得獎後獲多位監製恭喜,還讚她跟過往完全是兩個人。
自認「硬頸一族」令台前幕後受氣的思貝,稱得獎後獲多位監製恭喜,還讚她跟過往完全是兩個人。
多名粉絲昨晚在電視城外守侯,為出爐視后蔡思貝送上花束及蛋糕。
多名粉絲昨晚在電視城外守侯,為出爐視后蔡思貝送上花束及蛋糕。

問到緋聞男友胡鴻鈞可有表示?思貝笑稱:「早前撞到佢,佢只係送上一句加油!(會否同胡鴻鈞一齊慶祝?)佢係音樂範疇,佢攞嘅係音樂獎,同演戲無關,大家唔好將焦點放喺呢度。(拒絕與佢慶祝? )唔係,大家係朋友,所以都會同佢慶祝,我將焦點放喺演員崗位上。而家只能喺屋企同家人慶祝,喺台上因為冇機會講太多,所以只淡然講咗句多謝,要感謝父母多年嚟嘅支持。」

隨後,思貝又獲電視城門外一班粉絲送上花束及蛋糕,她更與大家一起開香檳慶祝。而昨晚憑《降魔的2.0》插曲《凡人不懂愛》獲得「最受歡迎電視歌曲獎」的胡鴻鈞,有約30位粉絲齊齊舉燈牌守侯他,更一同唱出他的得獎歌,預祝他早日得到男歌手金獎。

蔡思貝與粉絲開香檳慶祝。
蔡思貝與粉絲開香檳慶祝。
胡鴻鈞昨晚獲30名粉絲舉燈牌守侯,更一同唱出他的得獎歌《凡人不懂愛》。
胡鴻鈞昨晚獲30名粉絲舉燈牌守侯,更一同唱出他的得獎歌《凡人不懂愛》。
(左起)張振朗、王浩信、蔡思貝和龔嘉欣騷後接受《諸朋好友萬千星輝夜》訪問。
(左起)張振朗、王浩信、蔡思貝和龔嘉欣騷後接受《諸朋好友萬千星輝夜》訪問。

最新回應

關鍵字

相關新聞

熱門文章