星島日報

【獨家】去年失6個登台20個商演 薛家燕埋單計數仍有錢賺

2021-01-11 01:28
家燕姐重視家庭凝聚力量,今年最想新抱同大女有喜事宣佈。
家燕姐重視家庭凝聚力量,今年最想新抱同大女有喜事宣佈。

2020年,全球受疫情影響,唔少人因失業面對嚴重經濟問題,薛家燕去年失去6個大型海外登台及20個商演,但收支仍有盈餘,去年尾仲有幾個廣告作最後「衝刺」,實在非常幸運,她寄語:「人生會有高高低低,有過去艱難體驗,先有成功將來,大家唔好灰心失望。」採訪:方騫平

家燕姐重視家庭凝聚力量,今年最想新抱同大女有喜事宣佈。
家燕姐重視家庭凝聚力量,今年最想新抱同大女有喜事宣佈。
家燕姐參觀在港一間靈芝場,了解靈芝生產過程。
家燕姐參觀在港一間靈芝場,了解靈芝生產過程。

薛家燕之前參觀靈芝場,了解更多相關資訊先接拍廣告,她說:「疫情下增強免疫力最重要,李居明話我今年會紅鸞星動,我幾十歲點會再嫁?不如期待新抱(陳素怡)有喜,同埋大女珊珊(石祐珊)出嫁好過啦。」去年家燕姐除收入大減外,仲同男友分隔兩地接近一年:「以為聖誕節可以相聚都唔得,好彩透過視像可以日日見面,不過男友都擔心感情會生變,我就承諾唔會,因為我唔係亂嚟嘅人,叫佢可以放心。」

去年尾家燕姐一口氣拍咗幾個廣告,其中一個大馬禮物包廣告,係越洋視像監控拍攝。
去年尾家燕姐一口氣拍咗幾個廣告,其中一個大馬禮物包廣告,係越洋視像監控拍攝。
最近一次商場活動經已係去年九月嘅事。
最近一次商場活動經已係去年九月嘅事。

大讚雲姨樣靚聲甜

一向好正面的家燕姐亦有留意極受歡迎的ViuTV節目《全民造星III》,「好似十強嘅Cloud(雲浩影)曾經係我哋少女組合Honey Bees成員,我為佢驕傲,都有傳訊息去鼓勵佢加油。」創辦「家燕媽媽藝術中心」的家燕姐提到少女時嘅Cloud曾多次跟她走埠演出,所以家燕姐對她印象甚深:「佢唔止聲靚,仲跳得好,最重要表現夠淡定,有呢啲舞台經驗,對佢日後發展好有幫助。」

家燕姐曾帶Cloud走埠登台,所以對佢印象好深。
家燕姐曾帶Cloud走埠登台,所以對佢印象好深。
雲姨(後右1)同韓國女團成員CLC莊錠欣(後右2)當年仍是Honey Bees組員。
雲姨(後右1)同韓國女團成員CLC莊錠欣(後右2)當年仍是Honey Bees組員。
《全民造星III》十強嘅Cloud(雲浩影)最後得第四名。
《全民造星III》十強嘅Cloud(雲浩影)最後得第四名。
每周錄影兩晚《流行經典50年》成為家燕姐疫市下收入來源!
每周錄影兩晚《流行經典50年》成為家燕姐疫市下收入來源!

最新回應

關鍵字

熱門文章