星島日報

失落新人獎 Anson Kong:有點失望

2021-01-02 16:24
Anson Kong經過一晚失落,今日貼上MIRROR合照,發文抒發後又再繼續努力。
Anson Kong經過一晚失落,今日貼上MIRROR合照,發文抒發後又再繼續努力。

MIRROR成員江𤒹生(Anson Kong)與柳應廷(Jer)和盧瀚霆(Anson Lo)一起角逐「叱咤樂壇生力軍」,惜最終兩位隊友分別奪冠及季,唯獨Anson Kong未能擠身三甲,頒獎禮上已難掩失望之情,亦未有跟其他隊友一樣,向Jer擁抱恭賀,只在一旁拍手。
Anson Kong在網上發長文抒發失落情緒,留言:「等了28年終於到今日了,有點失望,因為曾經很期待,但自問今年已經盡了最大努力,抱歉咁多位幫助過我嘅人,特別係監製Terry,2020年你教識我好多嘢,我從來無後悔過搵你做監製,對唔住,答應你會有好消息的,係細佬不才。
「另外要感謝屋企人一直支持和體諒,無論我練到幾夜幾嘈都好,你地(哋)都一句怨言都無,抱歉,未能令你們驕傲。最後要多謝商台叱咤903頒組合獎銅獎俾(畀)mirror,對我地(哋)嚟講係一個好大嘅鼓勵,我地(哋)會繼續進步,俾(畀)大家見到更多唔同嘅一面。恭喜所有得獎歌手,看著你們說得獎經歷,給了我很多能量,繼續慢慢努力。
「Ps:恭喜姜仔破紀錄成為年紀最細嘅我最喜愛男歌手,噚日太攰,唔記得tag你,還有另外兩位新人獎得主,噚日跌入自己失望漩渦,未有好好恭喜兩位。上一年大家都辛苦了 終於完成我們第一年新人階段,嚟緊準備將棒交俾(畀)下一位繼續努力。今年叱咤感受很多,學會很多,亦知道身邊有好多人好錫我,謝謝各位的支持和安慰,我會繼續努力。最後感謝商台,2020年很艱難,謝謝你們堅持辦實體頒獎禮,令2021的開始變得不一樣,2021年,繼續努力,Come on Hater。唔好意思,你地(哋)打我唔死。」Anson Kong亦記得tag齊11位隊友的名字。

Anson Kong經過一晚失落,今日貼上MIRROR合照,發文抒發後又再繼續努力。
Anson Kong經過一晚失落,今日貼上MIRROR合照,發文抒發後又再繼續努力。
AK為昨日跌入失望漩渦,未有好好恭喜兩位得獎隊友作補祝。
AK為昨日跌入失望漩渦,未有好好恭喜兩位得獎隊友作補祝。

最新回應

關鍵字

相關新聞

熱門文章