【愛心爆棚】行山替晨運婆婆處理傷患發哥愛心感動網民畀like

2020-12-23 00:54

影帝周潤發注重健康，熱愛行山，65歲的他仍有弗爆身形，唔少行山人士喺行山路上曾野生捕獲過發哥，而發哥相當親民，影合照來者不拒，仲會主動揸機Selfie。有網民前日在大欖涌引水道行山時同樣野生捕捉發哥，拍了一張發哥的背影相貼上社交網，讚發哥對老人家好有愛，愛心爆棚。

相中發哥的打扮同平日一樣，都係黑色衫褲，獨個兒向前跑，網民留言：「今早又行一轉，竟然再遇上發哥，今次他落單了，原來是留下來替晨運婆婆處理傷患，感動！恆常運動身體好，對身體狀況更加了解，又能幫助別人，的確值得推崇！」唔少網民畀like，激讚發哥係熱心市民周先生。