星島日報

【維港會】親戚舉家移民拒養七旬父母 網民勸逆按居所不果:留畀子孫

2020-12-05 14:55
澳洲雪梨。Unsplash圖片
澳洲雪梨。Unsplash圖片

網上討論區「親子王國」有網民發文,指親戚舉家移民澳洲,但拒再供養只靠政府長者津貼過活的七旬父母。網民奉勸兩老逆按揭居所套現不果,對方還打算留給子孫,令網民感慨「一身兒女債」。

發文者指,任職審計師的男親戚憑妻子的澳洲公民身份,全家11月飛去澳洲雪梨移民,帶住100萬港元強積金,在雪梨已有兩間已供滿的公寓單位。網民引述男親戚的父母,稱親戚飛之前只留低一堆二手廚具,無留低錢給父母。親戚就認為已幫父母買人壽保險,葬禮由保險公司負責,還有錢到手。

網民透露, 「兩老七十幾靠生活津貼過活,儲蓄兩人只有六萬元」,批評「移咗民就可以唔理年老父母」。網民又稱,「我叫佢哋逆按間自住屋,兩老話留畀個仔同男孫」,「擔心水電煤差餉地租、管理費、伙食、醫藥,兩份生活津貼夠咩」。

網民指,兩老經常為這位親戚操勞家事、照顧小朋友,「(兩老)係香港做咗六年褓母,又幫佢個上海老婆帶水貨上深圳赚錢。」親戚走時卻一分錢也無留低。網民又指控親戚涼薄,「佢(親戚)父親最近入過醫院,佢叫我們叫醫院俾佢(父親)住耐啲唔好咁快出院」

網民發文,指親戚舉家移民澳洲,但拒再供養只靠政府長者津貼過活的七旬父母。資料圖片
網民發文,指親戚舉家移民澳洲,但拒再供養只靠政府長者津貼過活的七旬父母。資料圖片


帖文引來其他網民指責,「兩老好可憐,呢個年代變,人情冷暖受環境影響,我會勸人唔好生,唔好太大期望」、「孝心都無... 真係聽者傷心... 」。有人認為「如果我係嗰兩老,無生活費,我都會拎間屋去做逆按揭。仲留乜,啲子孫都唔會返嚟住啦」。

但也有人覺得,「如果關係唔好,住在香港也唔會理,關移民咩事?」、「如果冇移民,或者唔會知佢其實根本人品如此,只係移民先俾你知道咗」、「一家唔知一家事,好難話移民就係不孝,或者人哋安頓好亦未必會唔理父母」

最新回應

關鍵字

相關新聞

熱門文章