電影《逃獄兄弟》押後上映張繼聰嘆無奈譚耀文瞓唔著

2020-12-01 21:40

新冠肺炎疫情爆發第四波，昨日政府宣佈再收緊防疫措施，由明天（12月2日）開始，其中戲院亦需要關閉兩星期。由張繼聰、譚耀文及張建聲等合演的《逃獄兄弟》，原定12月3日上映，現在電影公司要作出順延或是推遲的安排。《逃獄兄弟》出品人黃子桓表示要無奈接受：「戲院被強制門關閉只能無奈接受，《逃獄兄弟》嘅映期正等待發行商回覆，睇吓係順延上映，定係要再推遲。」

演員張繼聰表示：「冇辦法啦，都需要配合防疫措施，希望電影公司可以喺容許情況下盡快上映。」

譚耀文因此瞓唔著：「真是好可惜，噚晚睡得唔好，呢個幾月我同電影公司好落力做宣傳，家人和朋友好期待，本來對套戲幾有信心。不過安全緊要，小朋友亦返唔到學，希望聖誕前大家自律，如果大家唔自律，疫情好難好番。電影難做，希望聖誕前解封，可以入戲院，戲院係合理安靜娛樂場所，如果連睇戲都冇得睇，唔知有乜娛樂喇。」