【維港會】丈夫失業在家懶理子女兼黑面 妻子怨「害咗三個人嘅人生」

教育子本是父母的責任，若其中一方「闊佬懶理」，另一半只會百上加斤。有一名港媽在Facebook「生仔要考牌系列」專頁上抱怨，其丈夫失業在家，不但不願幫忙照顧小孩，由得她收工回家後負責教子女功課。其夫更聲稱自己為專業人士，不應在家教小孩。令這位媽媽感慨「咁嘅人，害咗三個人嘅人生。」

該位港媽表示本身要上班工作，丈夫則因疫情失業，原本由他負責接送小孩上學和放學及教導功課，港媽則負責早餐晚餐，小孩最近因疫情上半日學，但丈夫開始不理孩子的學習。「如果細路可以晚飯之前攪掂啲嘢梗係好；唔掂，食完晚飯後我負責都冇問題，都係盡力做。」但近月丈夫每天都「黑面」，指小孩們都不聽話，不肯一放學就做功課，甚至開始對小孩置之不理，等港媽下班回家負責。

她表示，一路以來都積極面對，就算正在服用精神科藥物，都沒有發脾氣，盡責做好自己。她形容，現在她就像丈夫殺父仇人一般，每天遭「粗聲粗氣」對待，「同佢講嘢唔睬人」。

該位港媽最終忍不住和丈夫大吵一架，然而對方竟稱「身為專業人士，唔應該喺屋企對住啲塞豆窿」，小孩子不聽話就要由媽媽負責，不然就會繼續「黑口黑面」對待她跟孩子。

事主形容，丈夫本身就是少爺脾性，也有一點媽寶，並認為「男人大晒，教細路係女人事，無論咩環境都應該係女人攪」，在家裡更是唯我獨尊，什麼都是他做主，小孩不聽話就是死罪。讓事主無奈，「呢咁嘅人，生嚟做咩，害咗三個人嘅人生。」

網民紛紛替事主抱不平並批評該丈夫不負責任，「養起頭家都唔代表可以發少爺脾氣」、「個男人唔肯教自己兩個小朋友，咪晚晚黑佢面唔好比佢掂你囉。等佢盡咗為人父親嘅責任，你先再履行為人妻子嘅責任」，亦有人替丈夫平反「都可能因為佢無左份工先至咁，再傾下啦！啲男人冇咗份工好似冇咗靈魂。」