難得踢走ChiLam 2.0稱號 張振朗唔敢演「初哥哥」
2020-11-18 18:29 
張振朗、賴慰玲與孫慧雪今日到上水出席商場活動，吸引不少粉絲圍觀，場面熱鬧。振朗表示心情開朗，因自己已有半年沒有出活動賺外快，亦很久沒有試過與fans現場互動，他說：「平時匿喺廠拍攝，唔通叫啲Crew畀啲聲嚟聽吓咩？哈哈」
張振朗與賴慰玲早前於劇集《反黑路人甲》飾演情侶，深受觀眾歡迎。近日他們合作新劇《拳王》，只有一場對手戲，不過振朗表示這場戲足足有8頁紙對白，一Take要拍足半小時，幸好只拍了兩、三次便完成。賴慰玲坦言希望下次振朗能與閨密蔡思貝拍劇做情侶，振朗隨即笑言：「或者你兩個演我家姐呢，哈哈！」振朗直言為新劇《拳王》操肌，壓力頗大，因開工拍劇唔夠瞓，但又要日日做Gym，以及每日要食1kg雞肉，笑指自己唔食肌肉都要食。賴慰玲大讚他肌肉結實：「好正呀！我叫佢借嚟摸吓，好似木板咁硬呀！」
有傳TVB將翻拍2000年劇集《十月初五的月光》，由上位小花何依婷及胡鴻鈞重新演繹經典角色「祝君好」與「初哥哥」。有網民指張振朗才是更合適的主角人選，他表示：「唔敢呀！初哥哥一角太經典，況且我花咗好多時間先搣甩翻版ChiLam個名，希望《拳王》令大家睇到一個新嘅張振朗。」
關鍵字
最新回應