【維港會】家人嫌難食食幾口十分鐘離場去快餐店 下廚孕婦斥無禮

網上討論區「親子王國」有女網民發文，指利用新買的燒烤爐下廚，豈料自家家人食了幾口十分鐘後離開，稱「覺得我整嘅肉唔好食，食左幾嚿十分鐘話要走人，情願去大XX食飯」，女網民斥親戚無禮。

女網民發文說，上星期在家品店買了個小型燒烤爐，與丈夫用過幾次覺得幾好，叫家人上門燒烤作客，當時丈夫不在家，只剩下女網民與女方家人，總共三個人燒。

女網民抱怨，「但我整啲雞翼、牛排、雞排都唔夠味，點知佢哋嚟到覺得個爐慢，又覺得我整嘅肉唔好食」，「點知佢哋食咗十分鐘，嫌三嫌四，仲黑晒面，之後話去大XX食飯」，「老嗰個當自己係皇帝，後生嗰個食左五分鍾話佢好想『散 band』之後兩父子一齊走」。

女網民批評家人無禮貌，「你哋屋企人會咁做嗎？我其實有啲唔高興，大住個肚，琴日走去買嘢，今日又買咗一轉，又切又洗。唔理枱上面有幾多野，又唔理我煮左飯，拍拍屁股就走。」

其他網民都認為女事主家人不妥當，「完全唔識體諒別人。」、「嘩，乜咁無禮貌，做得咁辛苦仲咁對你，無下次」、「咩人嚟架，咁高要求，無下次，第時連食飯都唔見，出街見到點頭算！老馮服侍咩」

有網民留言建議，「好簡單， 以後不用再叫果幾位屋企人來吃飯。如無可避免, 佢哋每次來, 你叫外賣吧。」有網民就建議，「即使啲肉不是醃得太夠味, 燒完之後點醬用生菜包住食, 已經好好味。不過可能各人口味不同, 未必啱你家人口味。下次請人來食飯, 預備定一兩碟佢哋會食的餸, 如果你預備的主菜不合佢哋胃口, 起碼填飽佢哋個肚」。