【維港會】功課寫「1」字起勾被當錯字 家長：咁叫本書唔好咁樣印囉

小學老師改功課，除檢查答案對錯，還嚴格捉錯字。早前有港媽分享小一女兒的英文功課，女兒按題目整齊地寫下「you」，卻因「y」字未有用正楷當錯字計算，引起網民熱議。最近又有學生因寫阿拉伯數目字「1」字起勾，被老師當錯字要求改正。

該名家長在 Facebook 群組《不願小朋友成為功課奴隸》上載孩子的作業簿，眼見答案正確寫上阿拉伯數目字「1」，卻被老師紅圈要求改正。原來小朋友跟印刷字體「1」寫法，在「1」的上方多加一個小勾，與普遍寫法不同。老師則在旁更正「1」寫法，加上括號要學生更正。然而這種改功課方式惹來家長不滿，在網上平台怒斥「乜個1字唔可以有個勾嘅咩，咁叫本書唔好咁樣印囉。」

其他家長紛紛在帖文留言，「最重要係每個老師寫法都唔同，究竟要跟邊個？中文就話有筆順同筆劃，數字都要執，會唔會太矯枉過正？」、「我唔明點解呢個世代執字體執得咁嚴，大把佢哋需要關心的地方又唔理」、「雞蛋裏挑骨頭」。有人則反指，若「1」字起勾，小朋友很容易會寫成「7」字，所以贊同老師的改法。