【維港會】屯公阿伯殺手娜娜轉私影水手服示人

2020-10-29 18:00

自康文署去年取消屯門公園自娛區，屯門居民回復相對平靜日子。屯門公園衛生關注組昨日在社交專頁分享最吸班阿呀伯眼球的屯門公園大媽娜娜著水手裝近照，指佢最近開始行「𡃁模」路線，密密接拍私影，不過就唔係唔多人欣賞，仲有網民留言叫小編「下次打返格仔好啲」。

自從無去屯門公園表演後，繼「屯門三公主」進軍抖音被內地網民嘲笑後，娜娜都開始活躍更新Ig，分享最新水手照造型相，企圖為自己增加人氣。但相中人同真人唔太似，被網友嘲笑「尾圖獸獸推到爆左」，又有網民稱「娜娜都可以影到咁，人生有希望了」。

不過亦有網民大讚娜娜成功轉型，稱讚「成個樣唔同晒，變左學生妹，成功轉型。」，又有網民表示審美不能太主觀，稱「佢只係靚左係我唔識欣賞嘅地方啫」。