【維港會】外籍乘客遺電話 好心的哥物歸原主兼幫叉電

搭交通工具遺失手機可謂令人焦頭爛額，日前有外藉乘客就不慎遺留電話在的士上，幸好好心的士司機路不拾遺，將手機交回乘客，而由於電話已無電，司機更幫忙叉電以便聯絡手機失主。這名司機表示，「我哋嘅職業係的士司機，唔係賊！唔需要偷呃拐騙，只需要用自己嘅時間丶努力丶認知，去做正當生意！」

有的士司機在Facebook群組「的士司機資訊網 taxi」分享指，遇到一位大頭蝦的外籍乘客，「呢位乘客，你好彩，漏低部電話仲要冇哂電，幫你叉返著再等你call！仲要揸車送返你」。乘客為了感謝好心司機，也主動給了他100元，不過司機表示「做人心安理得，那怕個客1蚊都唔俾」。

帖文獲大批網民「派like」，紛紛讚他是良心司機和業界榜樣，不過，有網民教路「自己用啦 !先達俾錢人幫你洗機就得」，的士司機也立即回應指「只能講句：我唔同意囉」，他又籲各位同行要用自己的能力去做正當生意，「我哋嘅職業係的士司機，唔係賊！」