不堪鄰居唐狗狂吠餵食藏藥芝士腸 七旬翁：若有心就俾別嘌醇佢食啦　

年近九旬的長洲退休老翁不堪鄰居唐狗的吠叫聲滋擾，聲稱「唔想隻狗咁嘈，想俾啲藥佢食」，將六粒止痛藥塞在兩條芝士腸內餵食。鄰居剛好回家發現，制止竉物食用。老翁否認一項企圖殘酷對待動物罪，今在東區裁判法院受審。辯方不爭議被告曾作出上述舉動，但強調他並無意圖令狗隻受痛苦。

李姓女狗主供稱，去年11月20日晚上近七時，她回家時見到被告張國英（69歲）在她家花園外「好快伸手入圍欄擺咗啲嘢入去」，當時她伺養的唐狗「Happy」在花園裡。李加快腳步趨前看，始知被告放了兩條芝士腸，其母親拆開芝士腸，發現每條均塞了三粒不知明藥丸。李對此感到生氣，報警處理。

被告自辯時直認涉案藥丸是他用來舒緩痛風的止痛藥「克痛」，服用後容易產生疲倦。他又指，「Happy」自去年初「開始嘈得比較犀利，總之有人行過就嘈」，跟李的母親反映過情況也沒改善。

事發當日「Happy」由早上6時至9時不停吠叫，甚至驚動鄰居前去查看。被告眼見「呢隻嘢咁鬼燥狂」，「自己食咗啲藥感覺到疲倦喎，俾佢試啦吓睇吓會唔會有一樣後果呢」，遂作出案發舉動。

根據承認事實，專家指出狗隻服用涉案劑量的含阿士匹靈及咖啡因藥物，可引致抑鬱、焦慮、嘔吐、食慾不振、腹瀉、呼吸加速、抽畜等症狀，嚴重更會引起高血壓、心律不正、昏迷，甚至死亡。被告承認案發時沒有留意劑量及可能後果，「呢啲係專業知識」「一定唔知啦，如果知嘅我都唔夠膽食啦」，又表示若知道後果便不會這樣做。

控方質疑，被告平時服用劑量不過一至兩粒，他故意餵食6粒給體積比他細小的狗隻，是要令牠受到傷害。被告否認，強調「我食嘅感覺係攰嘅啫」「我憑一時主觀感覺，唔係咁專業計㗎嘛。如果我有心，俾別嘌醇（印有毒藥標誌的痛風藥）佢食啦」。

案件今早審結，將在下月5日裁決。

法庭記者：張旭珊