【維港會】港媽家境困難仍連生4孩 向朋友借錢拒搵工

生BB是人生大事，為人父母就要對孩子負責。有網民就在「生仔要考牌系列」Facebook分享自己一個女性友人的故事，指朋友家境困難，但就連生了4胎，且每生一胎都藉口不夠錢養BB，四處向朋友借錢，令網民怒斥「孩子唔係工具！」

網民指，自己一個女性友人，好幾年前認識了一個離過婚的男人，一直不被男友家人認同，當時網民仍對她有所同情。直到有一日，朋友突然宣布懷孕，已經4、5個月，但從來未去過產檢，原因是無錢搭車去。當時網民和朋友們都大吃一驚，紛紛夾錢資助她。直到第一個BB出世，她都不斷訴苦指無錢，網民和朋友們仍會夾錢買奶粉尿片給BB。

網民表示，朋友的男友薪水很低，大家都勸她叫男友轉份長工，自己也可出來打工，但她用一堆理由開脫。不料時隔一年多，她又宣布懷孕，令網民非常生氣，「點解冇能力仲要生啊？」朋友仍用各種理由借錢，但網民決定不再幫助她。

再過多一年，網民再聽聞她又懷孕，更狡辯稱自己已養不起，但因為朋友不肯借錢讓她墮胎，「係你迫我生嘅 ！」令大家感到震驚，都不再理會她。BB出世後，她致電向網民借錢時又搬出各種理由，「大嘅一日得2包餅咋」、「成日都未食過飯」、「有錢嘅，但提款卡唔見咗啊」，期間電話更傳出孩子的哭聲。網民直接拒絕並坦白告訴她，「你養唔掂就拎去保良局！起碼幸福過跟住你！」

雖然這位朋友自此沒有再找網民借錢，但最近又再驚聞她剛生了第4個BB，令網民非常憤怒，「孩子唔係工具，唔係呃綜援嘅工具，都唔係要嚟綁男人個心嘅工具，亦唔係拎嚟做借錢理由嘅工具啊！」

貼文引起熱議，不少人留言指「我生一個已經破產喇，仲話4個，唔通真係天生天養咩」、「自己都養唔起仲要生先最難頂」、「窮唔緊要，窮都可以為頭家努力，將自己最好嘅俾自己嘅小朋友，但佢地係窮得嚟不負責任」、「細路真係好無辜」。