【維港會】46歲主婦想後生20年求教 網民籲面對現實

愛美之心是人皆有之？網上討論區「親子王國」有主婦發文，稱「其實40中，有無人似2x-30歲」，引發網民熱議。

這名主婦稱是46歲的「肥師奶」，「諗緊有無辦法keep到去似2x-30歲外表，要有咩條件呢? 瘦? 童顏? 皮膚白滑?」

對於這麼進取的目標，有網民就直言「應該除神仙外都冇乜辦法，逐步定下目標，有成功感先可以加強動力，唔需要迫自己一步登天」、「40中好難望落似20幾... 望落細十年有就唔奇」、「我諗起一句，一白遮三醜，一肥毀所有」、「面對現實啦，人人都會變老，接受自己優雅地老去，唔好扮少女、追求遙不可及嘅事」、「細一半邊有可能。皮膚緊緻彈性，眼神已經出賣年齡啦。就算幾勁做機， 都無可能倒退二十幾年啦」

不過也有人建議，「最少都要有做帶氧運動嘅習慣啦」、「多做面部運動幫助蘋果肌，唔好下垂咁快亦可以減少虎紋、木偶紋，所以做面部運動同每日面部按摩都好緊要，同埋眼眉都要做運動的，可以減少眼皮下垂，另外多留意平時搽cream洗面手勢」。