美魔女難得性感露纖腰　米雪激罕晒靚肌

60幾歲嘅米雪向來補養得宜，一直係美魔女界嘅中堅份子，但向來好少晒身材，性感造型更加絕無僅有。不過，呢日米雪先後喺社交平台Post
出着住兩套運動裝嘅靚相，而且只得運動Bra Top加短褲，露出纖腰之餘，仲激罕大晒佢fit爆身材，可能佢近年愛上跑步同行山，體態保持得更好。最搞笑係佢唔單止晒正面相，仲有背面同側面，畀大家睇真啲佢全身都係肌肉幾咁fit，難怪佢留言都話：「今個夏季，炎熱非常！練跑時穿上繽紛彩衣，加倍精神好，充滿能量，跑得特別～爽！起勁！」及「橙＋綠＋古銅色！加緊鍛鍊～背肌，腿肌⋯⋯^_^！」睇嚟多運動，真係會米雪好開心喎！