星島日報

【維港會】失業半年丈夫堅持開冷氣 慳錢孕婦心淡:接受唔到要養佢

2020-10-11 15:07
有孕婦因為失業及電費問題與丈夫爭吵。unsplash圖片
有孕婦因為失業及電費問題與丈夫爭吵。unsplash圖片

疫情下不少市民失業多時,有女網民發文慨嘆,丈夫失業半年,只剩她工作養家,但近日丈夫堅持在家涼冷氣,兩夫妻因此發生口角,自問「係咪我過份呢?」。

網上討論區「親子王國」有網民發文,指丈夫因為疫情失業半年,她成為經濟支柱,兩夫婦任職航空業,網民現在每個月都只是出半份薪水。她透露,本來夫妻兩人經濟環境不差,但近半年疫情影響很深。

網民提到,近日天氣轉涼,丈夫堅持要晚晚開冷氣睡覺,「我話晒錢,咁涼都要開冷氣,我話你交電費呀,佢竟然話有就畀你,無我點畀呀」。網民慨嘆,「佢呢半年來每月都畀 $4000 我幫補下,但係我又要交租又要食,仲要畀工人錢,遲啲BB出世又用錢,其實我叫佢唔好咁涼都開冷氣,係咪我過份呢?」

網民坦言,「我開始接受唔到好似我要養佢咁,我地個行要搵工最快要下年四月先有機會,佢好似唔明白我嘅壓力咁」。網民又透露,她本身患有輕微地中海貧血,而且39歲才懷有第一胎,所以特別怕凍,「除咗錢之外,我仲覺得佢唔 care 我呢個怕凍嘅大肚婆」

網民不滿丈夫堅持開冷氣。資料圖片
網民不滿丈夫堅持開冷氣。資料圖片

有其他網民留言,「我覺得係語氣問題,有時同一件事,用唔同嘅表達方式,已經可以差好遠」、「佢涼冷氣就唔好同佢計較,男人真係怕熱啲,或者好好地同佢傾吓,唔好用埋怨方式,因為佢都唔想,講出你嘅無助同不安」。

也有人建議,丈夫應該盡快轉行或者考慮辭退外傭,「馬死落地行,有咩都做住先。講真BB出世會仲多磨擦,唔係嚇你,照顧BB分工同洗錢有排你煩,不過有工人幫輕吓會好啲」、叫你老公搵part time 做。咁落去唔係辦法。」、「生仔唔一定要陪月, 湊B亦不一定要有工人. 如果手頭緊, 你都要焗住 cut 工人。馬死落地行, 為母則強」。

最新回應

熱門文章