《熟女強人》同朱栢康攤牌戲拍到嘔　胡杏兒喜獲親友打氣嗌痛快

ViuTV劇集《熟女強人》中飾演兩夫妻的胡杏兒及朱栢康，前晚上演了一場「攤牌」戲份，盡吐心中不快，反映了現實生活中感情的寫實一面；而播出後杏兒亦收到不少朋友和親戚的訊息，大讚演出精彩！

杏兒表示：「得到大家支持當然開心，就連一啲好耐冇聯絡嘅朋友都message我，話我罵老公（朱栢康）呢場好感動、好激、好痛快！拍嗰時都辛苦，因為對白都好長亦唔敢NG，又要保持份情緒；我記得我哋排咗一次戲之後，同朱康坐埋一邊醞釀情緒，當時因為機器問題就等咗好耐，但腎上腺素就不停谷，谷到胃好痛，我同導演講頂唔順，可唔可以快啲，因為就來要嘔啦！最後呢場戲拍咗2take，導演2take 都收貨好順利。」

杏兒還說遇到朱栢康這個對手令自己更有信心，她說：「朱康令我好信任佢，呢場戲係兩公婆各自去數對方不滿嘅心底話，因為一直以來佢哋都有心病，但各自收埋，大家喺個一刻就爆晒出嚟！當下鄒靜（角色名）知道唔可以好似老公咁拖泥帶水，需要有一個決定，佢好嬲老公，但唔會再為呢個人而流眼淚。」講到夫妻相處之道，杏兒直言：「兩公婆最緊要坦白同溝通，大家咩都拎出來講，所以我同老公每日都會傾偈。