【維港會】學校開對話群組遭洗版 家長監察校園生活惹熱議

疫情下長時間停課，學校都摸索新的教學模式。有港媽就在網上發帖，指自己孩子讀幼稚園K1，學校開了一個Whatsapp群組和家長交流，但就被家長洗版分享孩子日常瑣事，後來更變成監察教學情況和校園生活，引來網民熱議。有人認為家長恐怖，亦有人指學校開群組已是錯誤。

港媽在「生仔要考牌系列」Facebook專頁投稿，指疫情停課期間校長老師開了Whatsapp群組，不料群組被家長洗版，「啲家長事無大小都send相——小朋友洗隻碗又send；去個廁所又send；食乜早餐又send，只要有一個家長開頭，之後全部家長就會蜂擁咁send。」而校長和老師更會逐個回應及讚賞，如老師漏了回應，家長更會再發多次訊息，直到獲得老師一讚，「疫情期間，朝八晚十二，有時凌晨一點都仲send緊」。

直到學校恢復面對面教學，港媽以為群組可以告一段落，「然而學校有時真係無厘頭，又拍下學生嘅校園片段send去Whatapps群組，又煩了！」家長會回覆老師發出的影片，「校長，我個仔個口罩甩咗」、「我個仔嗰個燈籠甩咗！ 」更有人在影片中不見自己的孩子，向校長表示「你無影到我個囡」。

帖文引起熱議，有人指學校開設這個群組已是錯誤，「學校可以開group只send嘢俾家長，冇得send返轉頭」、「學校唔應該開任何家長群組啦，搵自己黎搞，真係要24小時服侍班家長咩。有咩要溝通咪用eclass出通告囉」。亦有人批評怪獸家長，「個個父母都當正仔女係全宇宙唯一人類咁」、「洗唔洗係課室裝個cam俾啲家長自己login睇」。而發帖港媽也形容情況恐怖，感嘆校長老師不易做，「其實校園生活，交返畀學校同個小朋友自己處理返啦！」